13:26 / 25.02.2021
19900

Namangan viloyatining ikki tumanida IIBga yangi boshliqlar tayinlandi

Namangan viloyatining Uychi va Kosonsoy tumanlariga ichki ishlar bo‘limlarida yangi boshliqlar ish boshladi.

Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirildi. Bu haqda IIV Kadrlar bosh boshqarmasi xabar bermoqda.

Furqat Samijonovich Mirzayev

Podpolkovnik Furqat Samijonovich Mirzayev Namangan viloyati, Uychi tumani IIB boshlig‘i lavozimiga tayinlandi.

F. Mirzayev 2017 yildan buyon Kosonsoy tumani IIB boshlig‘i lavozimida faoliyat yuritayotgandi.

Rasuljon Ahmadjonovich Pattayev

Podpolkovnik Rasuljon Ahmadjonovich Pattayev esa Furqat Mirzayev o‘rniga Kosonsoy tumani IIB boshlig‘i lavozimiga tayinlandi.

Tayinlovga qadar R. Pattayev Namangan shahar IIO FMB boshlig‘i o‘rinbosari-tergov bo‘limi boshlig‘i lavozimida faoliyat yuritgan.

Eslatib o‘tamiz, joriy yilning 19 fevral kuni Namangan shahrida xalq deputatlari viloyat kengashining navbatdan tashqari sessiyasida prezident Shavkat Mirziyoyev Uychi tumanining to‘rtta sektor rahbarini, shu jumladan, ichki ishlar bo‘limi boshlig‘i Avazbek Xo‘jaxonovni ishdan olishga ko‘rsatma bergandi.

Prezidentning Namangan viloyatiga safari ortidan Uchqo‘rg‘on tumanida ham IIB boshlig‘i o‘zgargan.

Mavzuga oid
Top