Andijon davlat universitetining Axborot-resurs markazi hamda obodonlashtirish xodimlarining 6 nafarida koronavirus aniqlandi. Bu haqda Kun.uz muxbiriga universitetdagi manba xabar bergan.
Avvalroq ijtimoiy tarmoqlarda talabalar va universitet xodimlarida koronavirus aniqlanganligi va o‘qishlar onlayn tarzda o‘tkazilishi haqida xabarlar tarqalgandi.
Surishtiruv natijasiga ko‘ra, universitetning 6 nafar xodimida koronavirus infeksiyasi aniqlangan. Biroq talabalar orasida kasallanish holatlari kuzatilmagan.
Kasallangan xodimlar davolanish uchun shifoxonaga yotqizilgan.
Ma'lum bo‘lishicha, o‘qish jarayoni odatdagidek davom ettiriladi.
