Samarqandda fuqarolik sudlariga eng ko‘p qaysi yo‘nalishda arizalar tushgani ma'lum bo‘ldi

2021 yilning dastlabki uch oyida Samarqand viloyatidagi fuqarolik sudlari tomonidan 2842ta oilaviy nizo ko‘rib chiqilgan. Bu haqda xalq deputatlari viloyat Kengashining navbatdagi sessiyasida ma'lum qilingan.

Ma'lum bo‘lishicha, bu o‘tgan yilning mos davriga nisbatan 600taga ko‘p.

Qayd etilishicha, fuqarolik sudlari tomonidan eng ko‘p ish ko‘rilgan sohalardan yana biri mulk huquqi bilan bog‘liq. Bu masalada sud 1052ta ishni ko‘rib chiqqan.

Shuningdek, mazkur davrda:

• mehnat nizolari bilan bog‘liq — 108ta (o‘tgan yili 52ta);
• uy-joy nizolari bilan bog‘liq — 238ta (o‘tgan yili 198ta);
• kommunal xizmatlardan qarzdorlik — 105ta;
• yer nizolari bilan bog‘liq 165ta ish ko‘rib chiqilgan.