Маълум қилинишича, Бош прокуратура ҳузуридаги департаментнинг Самарқанд туман бўлими томонидан ўтказилган терговга қадар текширувда, фуқаро Ш.Н. қўлга олинган.
Қайд этилишича, у фуқаро Д.ни Исроиль давлатига ишлаш учун юбориш эвазига 10 000 АҚШ доллар олган. Кейинчалик 6 000 долларни қайтариб, қолган 4 000 доллар эвазига уни Австралияга юборишни ваъда қилган ва 4 000 долларни ҳозиргача қайтариб бермасдан алдаб келган.
Таъкидланишича, мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
