Tadbirkorlar va aholining inflatsiya bo‘yicha kutilmalari va sezilmalari e'lon qilindi

Markaziy bank 2021 yil avgust oyida inflyatsion kutilmalarni aniqlash bo‘yicha o‘tkazilgan so‘rovnoma natijalarini ma'lum qildi. Aholining inflatsiya bo‘yicha kutilmalari 16 foiz, biznesning kutilmalari esa 16,1 foizni tashkil etgan. Iyul oyida esa bu ko‘rsatkich, biznesda 14,9 foiz, aholida esa 16,1 foiz bo‘lgan.

So‘rovnomada 4196ta respondent ishtirok etgan bo‘lib, shundan 68 foizi biznes vakillari, 32 foizi aholidir.

Shuningdek, o‘tgan oyda aholi sezgan inflatsiya 16,4 foiz, biznes sezgan inflatsiya esa 15,9 foiz bo‘lgan.

Eslatib o‘tamiz, 2021 yil avgustida iste'mol sektoridagi tovarlar va xizmatlar o‘rtacha 0,5 foizga qimmatlagani ma'lum qilingandi.