«Manchester Siti» Parijda mehmon, Yaxshiboyev Madridda «Real»ga qarshi. Chempionlar ligasi 2-tur anonsi

Ushbu hafta o‘rtasida ko‘hna qit'ada yevrokubok uchrashuvlari o‘tkaziladi. Jumladan, bugun – 28 sentabr seshanba oqshomida muxlislarni Chempionlar ligasi 2-tur o‘yinlari kutmoqda. Dastlabki kungi bahslarda yulduzli «PSJ»ning «Manchester Siti»ga qarshi to‘qnashuvi, «Milan» - «Atletiko» hamda Jasur Yaxshiboyevning «Real»ga qarshi «Santyago Bernabeu»dagi o‘yini barchaning diqqat markazida bo‘ladi.

«Millionerlar jangi»

Turning markaziy qarama-qarshiligi Parijda o‘tadi. Pep Gvardiola va Messining yo‘llari to‘qnash keladi. Ushbu o‘yin qaydnomasidan o‘rin olgan argentinalik forvard «Siti»ga qarshi bahsda Neymar va Mbappe bilan trio hosil qilishi kutilmoqda. «Manchester Siti» o‘tgan mavsumda Chempionlar ligasi yarimfinalida «PSJ»ni turnirdan chiqarib yuborgan edi. Shunday ekan, qatarlik va amirlik shayxlarga tegishli klublar o‘rtasidagi bahsda Parij klubi revansh olish imkoniyatiga ega.

Mezbonlar ustozi Pochettino «Siti»ga qarshi Serxio Ramos va Anxel Di Mariyani maydonga tushira olmasa, Gvardiolada ham yo‘qotish bor – Gundo‘g‘an va Zinchenko jarohat sababli Parijga bormagan.

7 yil o‘tib «San-Siro»da YeChL madhiyasi yangraydi

«Milan» klubi 7 yillik tanaffusdan keyin «San-Siro»da YeChL madhiyasi ostida maydonga tushadi. E'tiborlisi, milanliklar bu turnirdagi so‘nggi uchrashuvni o‘z stadionlarida 2014 yilning fevralida «Atletiko»ga qarshi o‘tkazishgandi. O‘shanda Kaka, Mario Balotelli, Odil Taarabt va Maykl Essen yetakchiligidagi «rossonerlar» «hindular»ga yutqazishgan. 7 yillik tanaffusdan so‘ng Stefono Pioli shogirdlari o‘sha mag‘lubiyat uchun o‘ch olish imkoniyatiga egalar.

Milandagi o‘yinda Savich madridliklarga yordam bera olmasa, mezbonlarga jamoaning asosiy yulduzi Zlatan Ibrahimovich yordam bera olmaydi. Shved forvardi jarohatidan tiklanishga ulgurmagan.

Jasur Yaxshiboyev va «Sherif» «Real»ga qarshi

Moldovaning «Sherif» klubi Madridga guruh peshqadami sifatida tashrif buyurdi. «D» guruhi 1-turida «Sherif» «Shaxtyor»dan ustun kelgan bo‘lsa, «Real» Italiyada «Inter»ni mag‘lub etgandi. «Sherif» bu turda Madridda ham sensatsiya qayd etib, Ispaniyadagi tarixiy ochkosini qo‘lga kirita oladimi?

«Santyago Bernabeu»dek buyuk stadionda to‘p surishning o‘zi biz uchun katta bayram. Fantastik atmosferada raqibga qarshi munosib qarshilik ko‘rsatishga intilamiz. «Real»ni hurmat qilamiz, ammo ulardan aslo qo‘rqayotganimiz yo‘q», - dedi klub bosh murabbiyi Yuriy Vernidub o‘yindan avval.

UYeFA rasmiy sayti jamoalarning taxminiy tarkibini keltirgan. Unga ko‘ra, Jasur Yaxshiboyev «Sherif»ning asosiy tarkibiga kiritilishi taxmin qilingan. 24 yoshli hujumkor yarimhimoyachi «Real»ga qarshi maydonga tushsa, u «Santyago Bernabeu»da to‘p surgan o‘zbekistonlik ikkinchi futbolchiga aylanadi. Hozirgacha faqatgina Maksim Shatskix Kiyevning «Dinamo»si tarkibida Madridda maydonga tushgan. Shunday ekan, tarixiy o‘yinga aylanishi mumkin bo‘lgan «Santyago Bernabeu»dagi uchrashuvni o‘tkazib yubormang.

Quyida seshanba oqshomida o‘tadigan o‘yinlar anonsi va to‘rtta guruhdagi 8ta uchrashuvning taxminiy tarkiblari bilan tanishing:

YeChL. 2-tur.

28 sentabr (seshanba)

«A» guruhi

«Pari Sen-Jyermen» - «Manchester Siti»

O‘yin boshlanish vaqti: 23:59

TV-translatsiya: Sport / Yoshlar

«PSJ»: Navas; Hakimi, Markinos, Kimpembe, Nunu Mendesh; Errera, Paredes, Guey; Messi, Mbappe, Neymar

O‘ynamaydi: Ramos (jarohat), Di Mariya (diskvalifikatsiya)

So‘roq ostida: Verratti (jarohat)

«Manchester Siti»: Ederson; Uoker, Ruben Diash, Lyaport, Joau Kanselu; Bernardu Silva, Fernandino, de Bryuyne; Mahrez, F. Torres, Grilish

So‘roq ostida: Gundo‘g‘an (jarohat), Zinchenko (jarohat)

«Leypsig» - «Bryugge»

O‘yin boshlanish vaqti: 23:59

«Leypsig»: Gulachi; Myukile, Simakan, Orban, Gvardiol; Aydara, Kampl; Nkunku, Forsberg, Soboslai; Andre Silva

O‘ynamaydi: Anxelino (diskvalifikatsiya), Olmo (jarohat), Xalstenberg (jarohat)

So‘roq ostida: Adams (jarohat)

«Bryugge»: Minole; Mata, Xendri, Nsoki, Sobol; Rits, Balanta; Sova, Vanaken, Lang; de Ketelare

O‘ynamaydi: Iskerdo (jarohat)

So‘roq ostida: Vormer (jarohat), Uesli (jismoniy holat)

«V» guruhi

«Portu» - «Liverpul»

O‘yin boshlanish vaqti: 23:59

TV-translatsiya: Match Futbol 2 (Rossiya)

«Portu»: Diogu Koshta; Korona, Pepe, Markano, Vendell; Gruich, Uribe, Serjiu Oliveyra, Otavio; Dias, Toremi

O‘ynamaydi: Mbemba (diskvalifikatsiya), Marchesin (jarohat)

So‘roq ostida: Pepe (jarohat)

«Liverpul»: Alisson; Milner, Matip, van Deyk, Roberson; Fabino, Xenderson, Jons; Saloh, Jota, Mane

O‘ynamaydi: Tyago (jarohat), Eliott (jarohat), Keyta (jarohat), Uilyams (jarohat)

«Milan» - «Atletiko»

O‘yin boshlanish vaqti: 23:59

TV-translatsiya: Mahalla

«Milan»: Menyan; Kalabriya, Tomori, Ker, Ernandes; Kessi, Tonali; Salemakers, Braim Dias, Rafael Leau, Rebich

O‘ynamaydi: Bakayoko (jarohat), Krunich (jarohat), Ibrahimovich (jarohat), Messias (jismoniy holat)

So‘roq ostida: Florensi (jarohat), Ker (jarohat)

«Atletiko»: Oblak; Tripper, Felipe, Ximenes, Ermoso, Karrasko; Koke, Kondogbia, Lorente; Suares, Korrea

O‘ynamaydi: Savich (diskvalifikatsiya)

«S» guruhi

«Ayaks» - «Beshiktosh»

O‘yin boshlanish vaqti: 21:45

TV-translatsiya: Mahalla

«Ayaks»: Pasveyer; Mazraui, Timber, Martines, Blind; Alvares, Gravenberx; Antoni, Bergxeys, Tadich; Alle

O‘ynamaydi: Onana (diskvalifikatsiya), Klayber (jarohat), Stekelenburg (jarohat)

«Beshiktosh»: Ersin Destanoglu; Roze, Serdar Saatchi, N'Sakalya, Ridvan Yilmaz; Souza, Solih Uchan, Og‘uzxon O‘zyakup, Kenan Karaman, Gyokxan Tere; Bachuayi

O‘ynamaydi: Vida (jarohat), Montero (betob), Velinton (jarohat), Nedjip Uysal (jarohat), Xatchinson (jarohat), Mexmet Topal (jarohat), Pyanich (jarohat), Aleks Teysheyra (jarohat), N'Kudu (jarohat), Gezzal (jarohat), Lerin (jarohat)

«Borussiya» Dortmund - «Sporting»

O‘yin boshlanish vaqti: 23:59

TV-translatsiya: Match Igra (Rossiya)

«Borussiya» D: Kobel; Mene, Akanji, Hummels, Gerreyru; Vitsel; Daud, Bellingem; Azar; Holand, Malen

O‘ynamaydi: Jan (jarohat), Kulibali (jarohat), Morey (jarohat), Shmelser (jarohat), Tigges (jarohat), Zagadu (jarohat)

So‘roq ostida: Holand (jarohat), Reyna (jarohat), Roys (jarohat)

«Sporting»: Adan; Luish Netu, Koates, Feddal; Porro, Joau Palinya, Mateus, Vinagre; Sarabiya, Paulinyu, Nunu Santush

O‘ynamaydi: Gonsalu Inasiu (jarohat), Pedru Gonsalvesh (jarohat)

«D» guruhi

«Real» - «Sherif»

O‘yin boshlanish vaqti: 23:59

TV-translatsiya: Sport / Yoshlar

«Real»: Lunin; Lukas Vaskes, Militao, Alaba, Guterres; Kamavinga, Kazemiro, Asensio; Azar, Benzema, Vinisius

O‘ynamaydi: Sebalos (jarohat), Marselo (jarohat), Mendi (jarohat), Karvaxal (jarohat), Beyl (jarohat)

So‘roq ostida: Kroos (jismoniy holat)

«Sherif»: Atanasiadis; Fernando, Arboleda, Dulanto, Kristiano; Addo, Till; Traore, Kolovos, Kastaneda; Jasur Yaxshiboyev

O‘ynamaydi: Pleshko (diskvalifikatsiya), Belousov (jarohat)

So‘roq ostida: Kiabu (noma'lum), Yansane (noma'lum).

«Shaxtyor» - «Inter»

O‘yin boshlanish vaqti: 21:45

TV-translatsiya: Sport

«Shaxtyor»: Pyatov; Dodo, Marlon, Matviyenko, Ismaili; Maykon, Stepanenko; Tete, Alan Patrik, Pedrino; Traore

O‘ynamaydi: Junior Moraes (jarohat), Fernando (noma'lum), Dentino (noma'lum)

So‘roq ostida: Bondar (jarohat), Konoplyanka (noma'lum), Sudakov (noma'lum)

«Inter»: Handanovich; Shkriniar, de Vrey, Bastoni; Dumfris, Barella, Brozovich, Xakan Chalxanoglu, Perishich; Lautaro Martines, Djyeko

O‘ynamaydi: Sensi (jarohat).