«Atletiko» - «Liverpul», «Sherif» ertagi Italiyada ham davom etadimi? YeChL 3-tur anonsi

Bugun, 19 oktabr seshanba oqshomida ko‘hna qit'ada Chempionlar ligasi dastlabki to‘rtta guruhida 3-tur doirasidagi uchrashuvlar o‘tkaziladi. Sakkizta stadionda o‘tadigan to‘qnashuvlar orasida Madrid, Milan, Parijdagi qarama-qarshiliklar markaziy maqomga ega. Quyida YeChL seshanba kungi o‘yinlari taxminiy tarkibi va anonsi bilan tanishing.

 «A» guruhi: «Bryugge» «Siti»dan ham ochko olish ilinjida, «PSJ» Neymarsiz o‘ynaydi

3-turga start beruvchi uchrashuvda «A» guruhida 2-o‘rinni egallab turgan «Bryugge» o‘z maydonida «Manchester Siti»ni qabul qiladi. Pep Gvardiola jamoasi so‘nggi turda Parijdagi mag‘lubiyatdan keyin Belgiyaga faqat g‘alaba ilinjida borishi aniq. Ammo 7 o‘yindan buyon mag‘lubiyat nimaligini bilmay kelayotgan Filipp Kleman shogirdlari bungacha «PSJ»dan ochko tortib olish bilan birga safarda «Leypsig»ni mag‘lub etishga erishgan. Shunday ekan, APLning amaldagi chempioniga Belgiyada oson bo‘lmaydi.

Guruhdagi ikkinchi o‘yinda esa peshqadam «PSJ» guruh autsayderi bo‘lib turgan «Leypsig»ni mag‘lub etishga urinadi. Ushbu bahsda parijliklar yetakchilaridan biri Neymar jamoasiga yordam bera olmasa-da, Messi safga qaytadi.

 Chempionlar ligasi. 3-tur

19 oktabr (seshanba)

«A» guruhi

«Bryugge» - «Manchester Siti»

O‘yin boshlanish vaqti: 21:45

TV-translatsiya: Sport

«Bryugge»: Minole; Mata, Xendri, Nsoki, Sobol; Vormer, Rits, Vanaken; Sova, de Ketelare, Lang

«Manchester Siti»: Ederson; Uoker, Ruben Diash, Lyaport, Zinchenko; Gundo‘g‘an, Fernandino, de Breyne; Gabriel Jyezus, Foden, Grilish

O‘ynamaydi: Torres (jarohat), Stounz (shaxsiy muammolar)

So‘roq ostida: Ederson (jismoniy holat), Gabriel Jyezus (jismoniy holat)

 «Pari Sen-Jyermen» - «Leypsig»

O‘yin boshlanish vaqti: 23:59

TV-translatsiya: Sport2

«PSJ»: Donnarumma; Hakimi, Markinos, Kimpembe, Nunu Mendesh; Veynaldum/Errera, Verratti, Guey; Messi, Mbappe, Ikardi/Draksler

O‘ynamaydi: Di Mariya (diskvalifikatsiya), Neymar (jarohat), Ramos (jarohat), Paredes (jarohat)

So‘roq ostida: Navas (jarohat), Ikardi (shaxsiy muammolar)

«Leypsig»: Gulachi; Klostermann, Simakan, Orban, Gvardiol; Aydara, Kampl; Nkunku, Forsburg, Soboslai; Poulsen

O‘ynamaydi: Sarachchi (jarohat), Xalstenberg (jarohat), Brobbi (jarohat), Olmo (jarohat).

«B» guruhi: «Milan» Portugaliyada mehmon, Simeone Kloppga qarshi

«B» guruhida turning markaziy to‘qnashuvi kuzatiladi. Madridning «Atletiko» klubi o‘z maydonida «Liverpul»ni qabul qiladi. Simeone va Klopp jamoalari o‘rtasidagi bahs shiddatli ko‘rinish olishi aniq. So‘nggi ikki bahsda ispan klubi ingliz jamoasidan ustun kelgan. Ayniqsa, «Enfild»da o‘tgan so‘nggi bahs ko‘pchilikning yodida – 2020 yilda YeChL 1/8 finali doirasida 120 daqiqa davom etgan uchrashuvda Madrid klubi Morataning 120+1-daqiqadagi goli evaziga safardan 3:2 hisobidagi g‘alaba bilan qaytgan edi. Hozirda ajoyib sport formasida bo‘lgan Klopp shogirdlari bu safar Madridda revansh ilinjida bo‘lishadi.

Ikkinchi o‘yinda esa o‘tgan turning alamzada jamoalari to‘qnash keladi. «Portu» «Liverpul»dan uchralgan yirik hisobli mag‘lubiyat tasodif ekanligini isbotlashga urinsa, «Milan» ikki o‘yindagi ikki mag‘lubiyatdan keyin turnirdagi ilk ochkolari uchun kurash olib boradi. Pioli shogirdlari A Seriyadagi muvaffaqiyatli yurishni Chempionlar ligasida aynan «Portu» bilan o‘yindan boshlashlari mumkin. Navbatdagi mag‘lubiyat jamoaning guruhdan chiqish masalasini yanada og‘irlashtiradi.

 «V» guruhi

«Atletiko» - «Liverpul»

O‘yin boshlanish vaqti: 23:59

TV-translatsiya: Yoshlar

«Atletiko»: Oblak; Tripper, Felipe, Ximenes, Ermoso, Karrasko; Lorente, Koke, Lemar; Joau Feliks, Suares

O‘ynamaydi: Savich (diskvalifikatsiya)

«Liverpul»: Alisson; Aleksander-Arnold, Matip, van Deyk, Roberson; Keyta, Fabino, Henderson; Saloh, Jota, Mane

O‘ynamaydi: Eliott (jarohat), Tyago (jarohat)

So‘roq ostida: Jons (jarohat)

«Portu» - «Milan»

O‘yin boshlanish vaqti: 23:59

TV-translatsiya: Match Arena

«Portu»: Diogu Koshta; Joau Mariu, Pepe, Markano, Vendell; Uribe, Serjiu Oliveyra, Otavio, Korona; Dias, Toremi

So‘roq ostida: Mbemba (jarohat)

«Milan»: Teterushanu; Kalyulyu, Tomori, Ker, Kalabriya; Bennase, Tonali; Salemakers, Krunich, Rafael Leau; Jiru

O‘ynamaydi: Kessi (diskvalifikatsiya), Florensi (jarohat), Menyan (jarohat), Rebich (jarohat), Braim Dias (betob), Teo Ernandes (betob), Plitssari (jarohat), Messias (jarohat)

«S» guruhi: Guruh peshqadamligi uchun kurash

Ushbu guruhdagi dastlabki ikki turdan keyin favoritlar nomi ma'lum bo‘ldi va bu jamoalar ushbu turda o‘zaro to‘qnash kelishadi. «Ayaks» va «Borussiya»ga qarshi bahsda guruh peshqadamligi uchun kurash kechadi. Ikki jamoa ham 6 ochkoga ega. «Ayaks» himoyachilari Amsterdamdagi bahsda Erling Holandni to‘xtatish yo‘lini topishsa, muvaffaqiyatga erishishlari mumkin.

Guruhdagi yana bir bahsda haligacha ochkoga ega bo‘lmagan «Beshiktosh» va «Sporting» o‘zaro to‘qnash keladi. Turkiyadagi o‘yindan so‘ng guruhdagi yaqqol autsayder nomi oydinlashishi mumkin.

 «S» guruhi

«Beshiktosh» - «Sporting»

O‘yin boshlanish vaqti: 21:45

TV-translatsiya: Mahalla

«Beshiktosh»: Ersing Destano‘g‘li; Roze, Velinton, Vida, N'Sakalya; Souza, Pyanich, G‘azzol, Aleks Teysheyra, Larin; Bachuayi

O‘ynamaydi: Mehmet Topal (jarohat), N'Kudu (jarohat), Xatchinson (jarohat)

«Sporting»: Adan; Inasiu, Koates, Feddal; Porro, Palinya, Mateus, Vinagre; Sarabiya, Paulinyu, Pote

O‘ynamaydi: Tabata (jarohat)

«Ayaks» - «Borussiya»

O‘yin boshlanish vaqti: 23:59

TV-translatsiya: Match Igra

«Ayaks»: Pasveyer; Mazraui, Timber, Martines, Blind; Alvares, Klassen, Gravenberx; Bergxeys, Alle, Tadich

O‘ynamaydi: Klayber (jarohat), Stekelenburg (jarohat)

«Borussiya»: Kobel; Mene, Akanji, Hummels, Shuls; Vitsel; Brandt, Bellingem; Roys; Holand, Malen

O‘ynamaydi: Kulibali (jarohat), Daud (jarohat), Gerreyru (jarohat), Morey (jarohat), Mukoko (jarohat), Reyna (jarohat), Shmelser (jarohat)

«D» guruhi: «Real» Ukrainada mehmon, «Sherif» ertagi davom etadimi?

Ushbu guruhdagi ikki o‘yin ham muxlislar diqqat markazida bo‘ladi. Chempionlar ligasida kashfiyot jamoaga aylangan «Sherif» Madriddagi sensatsion g‘alabadan keyin Italiyadagi o‘yinga guruh peshqadami sifatida tashrif buyuradi. Ushbu bahsda o‘zbekistonlik hujumchi Jasur Yaxshiboyev jarohati sababli Moldova klubiga yordam bera olmaydi. Ko‘ramiz, «Sherif» Yaxshiboyevsiz ham, turnirda hali g‘alaba nashidasini surmagan «Inter»ni mag‘lub etib, sensatsion yurishini davom ettira olarmikan?

YeChLda g‘alaba nimaligini bilmay kelayotgan yana bir klub «Shaxtyor» esa o‘tgan turning alamzada klubi «Real»ni qabul qiladi. Kiyevdagi uchrashuvda Madrid klubi faqat uch ochko umidida kelishi aniq. Anchelotti shu kuni Azar va Beyl xizmatidan foydalana olmasa-da, bu madridliklar uchun katta yo‘qotish emas.

E'tiborlisi, roppa-rosa bir yil avval – 20 oktabr kuni «Shaxtyor» YeChL guruh bosqichida «Real»ni Madridda 3:2 hisobida sensatsion tarzda mag‘lub etgandi. De Dzerbi shogirdlari bu safar endi Ukrainada ushbu natijani takrorlashga urinishlari aniq.

 «D» guruhi

«Inter» - «Sherif»

O‘yin boshlanish vaqti: 23:59

TV-translatsiya: Sport

«Inter»: Handanovich; Shkriniar, de Vrey, Bastoni; Dumfris, Barella, Brozovich, Chalxano‘g‘li, Perishich; Jyeko, Lautaro Martines

O‘ynamaydi: Sensi (jarohat)

«Sherif»: Chelyadnik; Fernando, Arboleda, Dulanto, Kristiano; Addo, Till; Bruno, Kolovos, Kastaneda; Traore

O‘ynamaydi: Atanasiadis (betob), Yaxshiboyev (noma'lum), Belousov (jarohat)

So‘roq ostida: Kiabu (noma'lum)

«Shaxtyor» - «Real»

O‘yin boshlanish vaqti: 23:59

TV-translatsiya: Mahalla

«Shaxtyor»: Pyatov; Dodo, Marlon, Krivsov, Ismaili; Maykon, Stepanenko; Tete, Alan Patrik, Fernando; Pedrino

O‘ynamaydi: Junior Moraes (jarohat), Traore (jarohat), Konoplyanka (noma'lum)

«Real»: Kurtua; Nacho, Militao, Alaba, Gutteres/Mendi; Valverde, Kazemiro, Modrich, Kroos; Benzema, Vinisius

O‘ynamaydi: Karvaxal (jarohat), Sebalos (jarohat), Beyl (jarohat), Isko (jarohat), Yovich (jarohat), Azar (jarohat).