Shu kunga qadar qancha o‘zbekistonlik koronavirusga qarshi qaysi vaksina bilan emlangani haqida ma'lumot berildi

O‘zbekistonda koronavirusga qarshi emlanishi kerak bo‘lgan qatlamning 70 foizi birinchi doza vaksinalarini oldi. Bu haqida Sog‘liqni saqlash vazirligi axborot xizmati xabar berdi.

10 noyabr holatiga ko‘ra, respublikada 326 980 doza COVID-19ga qarshi vaksina qo‘llanildi. Ulardan:

• 1-bosqich emlanganlar 187 647 nafarni,
• 2-bosqich emlanganlar 81 759 nafarni,
• 3-bosqich emlanganlar 57 574 nafarni tashkil qildi.

O‘zbekistonda emlash tadbirlari doirasida umumiy qiymati qariyb 180 million dollarlik 6 turdagi 39 million doza vaksina ishlab chiqarildi yoki import qilindi.

Shu kunga qadar 15 million fuqaro emlandi (rejaning 70,0 foizi), ularga 28,8 million doza vaksinalar berildi.

Koronavirusga qarshi vaksina olganlar soni vaksinalar kesimida:

• ZF-UZ-VAC 2001 - 22 million doza;
• Moderna - 2,9 million doza;
• AstraZeneca - 1,5 million doza;
• Pfizer-BioNTech - 1,3 million doza;
• Sinovac - 546,4 ming doza;
• Sputnik V - 531,9 ming dozani tashkil qiladi.

Emlash ko‘rsatkichlari bo‘yicha eng yuqori o‘rinlarni:

– Farg‘ona viloyati (3 113 960 doza),

– Namangan viloyati (3 031 025 doza),

– Andijon viloyati (2 945 345 doza) band qilgan.

Shu kunga qadar respublika bo‘ylab 371 028 nafar talaba koronavirusga qarshi vaksina olgan. Hududlar kesimida Toshkent shahri yetakchilik qilayotgan bo‘lsa, eng kam emlangan talabalar soni Andijon viloyatida qayd etilgan.

Shuningdek, mamlakatimizdagi umumta'lim maktablarida faoliyat yuritayotgan o‘qituvchi-pedagoglarning qariyb 75 foizi, tibbiyot sohasi xodimlarining esa 99,5 foizi koronavirusga qarshi emlanganligi ma'lum qilingan edi.