16:59 / 13.12.2021
5040
АҚШда тўрт кунлик иш ҳафтасини жорий этиш таклиф қилинмоқда

Қонун лойиҳасида айтилишича, иш берувчи ҳафтасига 32 соатдан ортиқ ҳар қандай меҳнат учун иш вақтидан ташқари меҳнат сифатида ҳақ тўлайди. 

Фото: emetrius Freeman / Bloomberg via Getty Images

АҚШ вакиллар палатаси аъзоси Марк Такано конгрессдаги 100дан ортиқ кишидан иборат «Прогрессив  гуруҳ» унинг ҳафталик иш вақтини 40 соатдан 32 соатга қисқартириш тўғрисидаги ташаббусини расман қўллаб-қувватлаганини  маълум қилди. Бу ҳақда The Hill хабар бермоқда.

Қонун лойиҳаси доирасида 40 соатлик иш ҳафтаси бутунлай бекор қилинмайди, аммо иш берувчи ҳафтасига 32 соатдан ортиқ ҳар қандай меҳнат учун иш вақтидан ташқари меҳнат сифатида ҳақ тўлайди. 

«Миллионлаб одамларни масофадан ишлашга мажбур қилган икки йиллик пандемиядан сўнг одатдаги ҳаётга қайта олмаймиз, чунки «одатий иш» дейилган нарса аслида иш бермаяпти», — деди Такано.

Аввалроқ Бирлашган Араб Амирликларида ҳафталик иш вақти қисқартирилганди.

Маълумот берилишича, эндиликда БААда шанба ва якшанба ҳамда жума иш кунининг ярми дам олиш кунлари бўлади.

Top