09:16 / 10.01.2022
1208

Jizzaxda sodir bo‘lgan YTHda piyoda vafot etdi

Jizzax viloyati G‘allaorol tumanida sodir bo‘lgan yo‘l-transport hodisasida piyoda vafot etgan. Bu haqda viloyat IIB axborot xizmati xabar bermoqda.

Ma’lum qilinishicha, 2022 yil 6 yanvar kuni soat 18:00larda 4R-42 G‘allaorol-Qo‘ytosh avtomobil yo‘lining G‘allaorol tumani «Olimlar» MFYdan o‘tuvchi 4-kilometrida odam o‘limi bilan bog‘liq yo‘l-transport hodisasi sodir bo‘lgan.

G‘allaorol tumani Ko‘kbuloq QFYda yashovchi shaxs Nexia mashinasi bilan Qo‘ytosh yo‘nalishida harakatlanayotib yo‘lni belgilanmagan joyidan kesib o‘tayotgan «Baxt» MFYda yashovchi 1983 yilda tug‘ilgan ayolni urib yuborgan. Oqibatda piyoda og‘ir tan jarohatlari olib voqea joyida vafot etgan.

Qayd etilishicha, hozirda holat yuzasidan tergovga qadar tekshiruv harakatlari olib borilmoqda.

Top