O‘zbekiston va Pokiston transafg‘on yo‘lagini qurish loyihasini muhokama qildi
Investitsiyalar va tashqi savdo vazirligida Pokiston tijorat vazirining birinchi o‘rinbosari Muhammad Solih Faruqiy boshchiligidagi delegatsiya bilan uchrashuv bo‘lib o‘tdi.

Foto: Investitsiyalar va tashqi savdo vazirligi matbuot xizmati
Uchrashuvda ikki mamlakat o‘rtasida imtiyozli savdo to‘g‘risidagi bitim loyihasi yuzasidan kelishishni jadallashtirish tadbirlari muhokama qilindi.
Pokiston bosh vazirining O‘zbekistonga tashrifi chog‘ida (2021 yil 15-16 iyul) imzolangan tranzit va savdo to‘g‘risidagi bitim shartlarini amalda joriy etish bo‘yicha “Yo‘l xaritasi”ni ishlab chiqish masalasi ko‘rib chiqildi.
“Termiz – Mozori-Sharif – Kobul – Peshavor” transafg‘on temiryo‘lini qurish loyihasini amalga oshirish bo‘yicha keyingi qadamlar muhokama qilindi.
Pokiston ishbilarmon delegatsiyalarining sanoat kooperatsiyasini chuqurlashtirish maqsadida O‘zbekistonga tashriflarini tashkil etishga kelishildi.
Uchrashuv yakunida tomonlar ko‘rib chiqilgan munosabatlarning barcha sohalarida faol hamkorlikni davom ettirishga kelishib oldi.
Mavzuga oid

10:03
Pokiston Termizda "quruqlik porti"ni tashkil etishi mumkin

09:11
Pokiston va AQSh harbiy hamkorlikni kuchaytirishga kelishib oldi

08:20 / 30.06.2025
Erdo‘g‘an: Turkiya terrorizmga qarshi kurashda Pokiston bilan birdam

16:35 / 28.06.2025