09:29 / 10.05.2022
15673
Навоийда 2 та шаҳар ва 2 та туман ҳокими ўзгарди

Навоий вилояти ҳокими вазифасини бажарувчи Нормат Турсуновнинг тегишли қарорлари билан Навоий ва Зарафшон шаҳарларига, шунингдек, Навбаҳор ва Конимех туманларига ҳокимлар тайинланди.

Муратхан Эгамқулов Навоий шаҳри ҳокими лавозимига тайинланган. М.Эгамқулов бугунги кунгача Конимех тумани ҳокими лавозимида ишлаб келаётганди.

Муратхан Эгамқулов

Навоий шаҳрига 2018 йил майидан буён Муҳиддин Бозоров раҳбарлик қилиб келаётганди. Унинг кейинги фаолияти ҳақида ҳозирча маълумот йўқ.

Конимех туманига Эгамқулов ўрнига Руслан Рўзиев янги ҳоким этиб тайинланди.

Рўзиев Руслан

Рўзиев бугунгача Навоий вилояти прокурорининг ўринбосари лавозимида фаолият юритиб келган.

Назирбек Раҳмонов Зарафшон шаҳри ҳокими этиб тайинланди. Н.Раҳмонов ҳозиргача «НКМК жамғармаси» бош директори лавозимида ишлаган.

Раҳмонов Назирбек

2018 йил майидан буён Зарафшон шаҳар ҳокими лавозимида ишлаб келган Анвар Ражабов 2022 йил 19 апрелида президент раислигида маҳаллабай ишлаш тизими натижадорлигини ошириш ҳамда аҳоли бандлигини таъминлаш масалалари юзасидан ўтказилган видеоселектор йиғилишида лавозимдан олинганди.

Азамат Ўроқов Навбаҳор тумани ҳокими этиб тайинланди. У бугунга қадар Навоий вилояти Маҳалла ва нуронийларни қўллаб-қувватлаш бошқармаси бошлиғи бўлган.

Ўроқов Азамат

Шу кунгача Навбаҳор туманига ҳокимлик қилиб келган Лочин Облоқулов лавозимдан олиниши сабаби ва кейинги фаолияти ҳақида ҳозирча маълум эмас.

Top