Vazirlar Mahkamasi huzuridagi Milliy antidoping agentligi bosh direktori lavozimiga Abdushukur Sodiqov tayinlandi. U mazkur lavozimda Nodirjon Tursunovning o‘rnini egalladi.
Vazirlar Mahkamasi huzuridagi Milliy antidoping agentligi bosh direktori lavozimiga Abdushukur Abdujamilevich Sodiqov tayinlandi. Bu haqda Telegramdagi «Nigoh» kanali xabar berdi.
Agentlikka 2018 yil martidan buyon rahbar bo‘lgan Nodirjon Tursunov ushbu lavozimdan ozod qilingan.
Professor Abdushukur Sodiqov Toshkent tibbiyot akademiyasida assistent, dotsent, so‘ngra Sog‘liqni saqlash vazirligi tizimida bosh boshqarma boshlig‘i o‘rinbosari va boshlig‘i lavozimlarida ishlagan. Keyinroq Andijon davlat tibbiyot instituti rektori bo‘lgan, 2017 yil fevralidan Andijon viloyati Sog‘liqni saqlash boshqarmasi boshlig‘i lavozimida ishlagan.
Abdushukur Sodiqov 2018 yildan beri MOQ qoshidagi Respublika sport tibbiyoti ilmiy-amaliy markazi direktori lavozimida ishlab kelayotgandi.
