09:52 / 30.11.2022
4232

BAA aviakompaniyasi Sharja – Namangan yo‘nalishi bo‘yicha aviaqatnovlarni yo‘lga qo‘ydi

Namangan xalqaro aeroportiga Birlashgan Arab Amirliklaridagi Air Arabia aviakompaniyasi birinchi samolyoti kelib qo‘ndi.

Foto: Uzbekistan Airpors

Ilk qatnov samolyoti suv arkasi bilan tantanali ravishda kutib olindi. Namangan – Sharja yo‘nalishi bo‘yicha ilk parvozni kutib olishga bag‘ishlangan tantanali marosimda Namangan aeroporti va Air Arabia aviakompaniyasi vakillari ramziy qizil lentani kesib, 170 nafar yo‘lovchiga mo‘ljallangan birinchi havo qatnoviga ro‘yxatdan o‘tish jarayonini boshlab berishdi.

Air Arabia tomonidan amalga oshiriladigan Sharja va Namangan o‘rtasida muntazam qatnovlar A-320 samolyotlarida haftasiga uch marotaba amalga oshiriladi. Namangandan uchish dushanba, juma va yakshanba kunlariga belgilangan.

Air Arabia bosh qarorgohi BAAning Sharja shahrida joylashgan. Kompaniya Sharja va Iskandariya, Marokashdagi to‘rtta aeroportdan Yaqin Sharq, Janubi-Sharqiy Osiyo, Yevropa, MDH davlatlari va boshqa mamlakatlarga yo‘lovchilarni tashish bilan shug‘ullanadi.

Top