Toşkentda şifoxonaning 120 yillik binosi SSV buyruği bilan «parkovka» uçun buzib taşlandi

Tadbirkorlik maqsadlarida foydalaniş uçun davlat mulki obektlarini sotişni jadallaştiriş va uning tartib-taomillarini yanada soddalaştiriş çora-tadbirlari töğrisida»gi farmondan körinadiki, binoni buzişga buyruq çiqişi uçun ham avvalo Quriliş vazirligi huzuridagi Quriliş sohasida nazorat inspeksiyasining xulosasi olinişi kerak. Quriliş vazirligining Kun.uz’ga bergan ma’lumotiga köra, bino böyiça buyurtmaçi taşkilot, ya’ni «Tibbiyot quriliş injiniring» unitar korxonasi texnik körik uçun Quriliş sohasida nazorat inspeksiyasiga murojaat qilmagan.

Şuningdek, farmonga köra, inspeksiya xulosasidan keyin Davlat aktivlarini boşqariş agentligi binoni baholab, auksionga çiqarişi, auksionda yutib olgan tadbirkorlik sub’yektigina binoni buzib olişi mumkin.  

120 yillik obekt

Bolalar jağ xirurgiyasi bölimi deb ataladigan bino Toşkent şahri Yaşnobod tumanidagi Kiçik halqa yöli 103-uyda joylaşgan edi (hozir buzib yuborilgan). Oçiq manbalardagi ma’lumotlarga köra, bino 1901 yilda qurilgan. Oldin bino «Saraton kasalliklari bölimi (Rakovyy korpus)» deb atalgan. Bu binoda 1954 yilda rus yozuvçisi Aleksandr Soljyenitsin davolangan. Yozuvçi şu kasalxonada davolangandan keyin 1963–1966 yillarda «Rakovyy korpus» romanini ham yozgan.

Şu faktning özi ham binoning tarixiy qiymati qançalik baland ekanligini körsatadi.

Bino madaniy meros obektiga kiradimi?

Şu savol bilan Madaniy meros agentligiga yöllangan murojaatga javoban agentlik bino madaniy meros obektlari röyxatiga kiritilmaganini ma’lum qildi. Binoni madaniy meros obektiga kiritiş kimning vazifasi?

«Madaniy meros obektlarini muhofaza qiliş va ulardan foydalanişni yanada takomillaştiriş çora-tadbirlari töğrisida»gi Vazirlar Mahkamasi qarorida körsatilişiça, tarixiy-madaniy qiymatga ega bölgan obektlarni Davlat kadastriga kiritiş töğrisidagi takliflarni tegişli ravişda obektlarning egalari yoxud joylardagi davlat hokimiyati organlari bilan kelişgan holda hududiy boşqarmalar ham kiritişga haqlidir. Ya’ni bu holatda Yaşnobod tuman hokimligi Madaniy meros agentligiga murojaat qilib, binoni madaniy meros obektiga kiritiş böyiça taklif berişi mumkin edi.

Bolalar jağ xirurgiyasi bölimi taqdiri nima böldi?

Kun.uz’ga berilgan ma’lumotga köra, bino 2022 yil sentabr oyida buzib yuborilgan. Bino buzilgunga qadar bölimda faoliyat yuritib kelgan şifokorlar va boşqa xodimlar Stomatologiya instituti sport zalining birinçi qavatiga köçib ötib, işlab yurişibdi. Şuningdek, soğliqni saqlaş vaziri çiqargan buyruqda ham bolalar jağ xirurgiyasi bölimi qayerda faoliyat olib boriş kerakligi masalasi oçiq qolib ketgan.

Qonun buzilganmi?

Hozir Bolalar jağ xirurgiyasi bölimining 120 yil oldin qurilgan binosi buzib bölingan. Binoning buzib yuborilişi esa ayrim qonunbuzilişlariga sabab bölgan.

Avvalo, yaroqsiz yoki yaroqliligi haqida xulosa berilmagan davlat mulki hisoblangan binoni buziş uçun buyruq berişga biror taşkilotning vakolati yöq. Mabodo bino yaroqsizligi aniqlangan taqdirda ham uni buziş hokimlar qarori asosida amalga oşiriladi. Uçinçidan, qurilganiga 120 yil bölgan bölsa, bu ança qadimiy bino hisoblanib, tuman hokimligi Madaniy meros agentligiga binoni madaniy meros obektlari röyxatiga qöşişni örganiş böyiça murojaat qilişi kerak edi.

Va nihoyat bolalar jağ xirurgiyasi bölimi şifokorlari ayni damda sarson bölib yurgani, ularning binosi olib qöyilib, tayinli bino ajratilmagani, tibbiy yordamga muhtoj bolalarga yetarli şaroitga ega bölgan boşqa joy ajratilmagani ham masalaning oğriqli tomoni.

Bolalar jağ xirurgiyasi bölimining sobiq binosi yerlari ham uy yoki biznes markaz quriş uçun ajratib berilmaydi degan yaxşi gumonda bölamiz. Biroq bino buzilganidan keyin hozirgaça uzoq vaqt davomida taşlab qöyilgani şubhalarga sabab bölib turibdi.

Zuhra Abduhalimova, jurnalist