Belarusda Lukashenkoni tanqid qilgan olimpiada sovrindori Nadejda Ostapchuk qo‘lga olindi

2008 yilgi olimpiya o‘yinlari bronza medali sohibasining qo‘lga olinishiga nima sabab bo‘lgani hozircha noma’lum. Avvalroq Nadejda Ostapchuk bir necha bor Lukashenko siyosatini ochiqchasiga qoralagan edi.

Foto: Getty Images

Minskda huquq-tartibot idoralari xodimlari belaruslik taniqli sportchi, 2008 yilgi yozgi olimpiya o‘yinlarining yadro uloqtirish bo‘yicha bronza medali sohibasi Nadejda Ostapchukni qo‘lga oldi. Bu haqda 15 dekabr, payshanba kuni «Xartiya-97» portali va «Hayot uchun mamlakat» xayriya jamg‘armasi xabar berdi.

Qayd etilishicha, Ostapchuk hozirda Okrestina ko‘chasidagi Minsk tergov izolyatorida saqlanyapti. Qo‘lga olish sabablari noma’lum, xavfsizlik kuchlari uning uchun posilkani qabul qilishdan bosh tortyapti.

Avvalroq Nadejda Ostapchuk Belarus rahbari Aleksandr Lukashenkoning siyosatini, xususan, o‘zgacha fikrlovchilarga qarshi repressiyalarni bir necha bor qoralagan edi.

2020 yilgi prezidentlik saylovlaridan keyin sportchi 2005 yilda Yevropa chempionatida qo‘lga kiritgan oltin medalini kimoshdi savdosida 11 100 dollarga sotdi. U tushgan mablag‘ni Lukashenko rejimidan jabr ko‘rgan sportchilar va siyosiy mahbuslarga yordam berish uchun sarfladi.