Rossiya pozitsiyalariga zarba berayotgan vertolyotchilar. Jurnalistlar ilk bor buni jang vaqtida kabinadan tasvirga olishdi

Ukrainada urushning 319-kuni o‘tdi. Asosiy ma’lumotlar:

• Rossiya hukumati tomonidan Rojdestvo munosabati bilan e’lon qilingan o‘t ochishni to‘xtatish rejimi rasman yakunlandi. Ukraina qurolli kuchlari bosh shtabi RF qo‘shinlari bu rejimni so‘nggi bir kunning o‘zida 50 martadan ortiq buzishganini ma’lum qildi. RF mudofaa vazirligi rossiyalik harbiylar rejimga rioya etishgani, ammo ukrainlarning artilleriya zarbalariga javob qaytarilganini ma’lum qildi.
• RF mudofaa vazirligi Ukraina qurolli kuchlarining yangi yil kechasi Makiyivkaga zarbasiga javoban «qasos operatsiyasi» o‘tkazilganini ma’lum qildi. Idora Kramatorskdagi ikki yotoqxonaga berilgan zarbalar oqibatida 600 nafardan ortiq ukrainalik harbiy xizmatchilar halok bo‘lganini da’vo qildi. Ukraina tomoni bu bayonot haqiqatga to‘g‘ri kelmasligini aytmoqda.
• Ukraina hukumati ham Kramatorsk o‘qqa tutilgani haqida xabar bergan, ammo harbiylar o‘limi haqidagi ma’lumotga izoh bermagan. Tinch aholi orasida ham qurbonlar yo‘q.
• Rossiya va Ukraina 50 ga 50 formulasida navbatdagi harbiy asirlar almashinuvini amalga oshirdi.
• Buyuk Britaniya mudofaa vazirligining hisoblashicha, Rossiya armiyasi Ukraina qurolli kuchlarining ikki yo‘nalishda hujum boshlashi kutilmoqda — Luhansk oblasti shimoli va Zaporijjya oblastida.
• Kursk oblasti gubernatori Roman Starovoyt «Vagner» xususiy harbiy kompaniyasi lagerida harbiy tayyorgarlik kursini o‘taganini ma’lum qildi. U harbiy formada qo‘lida avtomat tutgan holda tankda ketayotgani aks etgan videoni e’lon qilgan.

Jangdagi ukrainalik vertolyotchilar

Quyida Ukrainadagi urushda harbiy vertolyotlarning ish vaqtida olingan ilk kadrlar — ular kabina ichkarisidan turib olingan. Ukraina qurolli kuchlari vertolyotchilari raqibning zenit-raketa qurollari tig‘iz joylashgan front chizig‘iga kirmaslik uchun yuqoriga ko‘tarilib harakatlanadigan raketalardan foydalanishga majbur bo‘lmoqda. Ammo bu hamisha ham qutqara olmaydi: frontdagi foto va videolar bosqin boshlanganidan buyon ukrainlarning kamida 18 ta vertolyoti urib tushirilganini tasdiqlaydi.

Kramatorsk bo‘ylab «qasos zarbasi» oqibatlari

RF mudofaa vazirligi Makiyivkadagi vaqtincha joylashuv punktiga «Kiyev rejimining jinoiy zarbasi»ga javoban «qasos operatsiyasi» amalga oshirilganini ma’lum qildi. 8 yanvar kuni vazirlik rasmiysi Igor Konashenkov brifingda ma’lum qilishicha, RF qurolli kuchlari Kramatorskdagi ikki yotoqxonaga zarbalar yo‘llagan, bu yerlarda jami 1,3 mingdan ortiq ukrain harbiylari joylashtirilgandi. RF mudofaa vazirligi tasdiqlashicha, bu zarbalar oqibatida 600 dan ortiq kishi halok bo‘lgan. Ukraina qurolli kuchlari Sharqiy guruhi spikeri Sergey Cherevatiy «Suspilne» nashriga ma’lum qilishicha, RF mudofaa vazirligining bu ma’lumoti haqiqatga to‘g‘ri kelmaydi.

Donbass shimolidagi ukrain askarlari

Baxmut uchun janglar

Janubiy frontdagi ukrain jangchilari

Severskda yerto‘lada yashayotgan aholi