Kiyev – Ğarbga: «Sizning qat’iyatsizligingiz tobora köp odamlarimizni öldirmoqda»

«Biz Leopard-2 böyiça oçiq gaplaşib oldik. Buni davom ettiramiz», deya yozdi ukrainalik vazir Ukraina ittifoqçilarining «Ramştayn» aviabazasidagi navbatdagi uçraşuvidan keyin.

«Amerika ovozi»ga bergan intervyusida Reznikov «Ramştayn»da baribir ma’lum yutuqlarga erişilganini aytgan. «Yutuqlar bor - bu Leopard tanklariga egalik qiluvçi mamlakatlarning bizning tank ekipajlarimiz uçun öqitiş kurslari boşlaşi. Biz şundan boşlaymiz, keyin yana oldinga harakatlanamiz», degan u.

«Yerimizni himoya qiliş - uni deokkupatsiya qiliş, hududlarimizni bosqindan ozod etiş imkoniyatiga ega böliş demakdir. Buning uçun esa bizga oğir tanklar va zirhli texnikalar darkor», - degan Reznikov.

Leopard 2 tanklari Ukraina mojarosida kuçlar muvozanatiga sezilarli darajada ta’sir körsatişi mumkin. Unga xizmat körsatiş oson va RF armiyasi öz bosqinida faol qöllayotgan T-90 tanklariga qarşi kuraşiş uçun maxsus işlab çiqarilgan. Ukraina qurolli kuçlari tank parkidagi aksar texnikalar - sovetlar davriga mansub maşinalardir. Rossiya tanklari esa son jihatdan ham, öt oçiş qudrati böyiça ham ustunlik qiladi.

Yevropa mamlakatlarida, oçiq ma’lumotlarga köra, hozirda 2000 dan ortiq Leopard tanklari bor. Ukraina rahbariyati hisoblaşiça, taxminan 300 ta tank uruşning borişiga özgartiriş uçun yetarli bölişi mumkin.

Germaniya mudofaa vaziri Pistoriusning sözlariga köra, agar ittifoqçilar Leopard 2 yetkaziş böyiça konsensusga erişa olsa, Germaniya tezlik bilan harakatlanişga tayyor. Ammo Germaniyaning özi bir qança omillar, jumladan Ikkinçi jahon uruşi merosi tufayli qiyin va nozik vaziyatga tuşib qoldi.

Rossiyaning Ukrainaga bosqiniga qadar Germaniya mojaro hududlariga qurol yetkazib berişga taqiq qöygan, ammo 2022 yil fevralidan bu siyosat bekor qilindi.

Ötgan yil oxirida NATO boş kotibi Yyens Stoltenberg Germaniya Ukrainaga harbiy, gumanitar va moliyaviy yordam körsatiş böyiça yetakçilardan bölganini ma’lum qildi. Bu yil esa bundesver Fransiya ortidan Ukrainaga Marder jangovar piyodalar maşinalari yetkazib berişini ma’lum qildi.

Ammo Germaniya öz Leopard tanklarini faqat NATOning barça mamlakatlarining umumiy yordam paketi tarkibida yuborişga rozi böladi. OAV ma’lumotiga köra, nemislar bunday paketga amerikaliklarning Abrams tanklari ham kirişini istaşmoqda.

Şu bilan birga, Leopard tanklari yuborilişi uçun Abrams tanklari ham yuborilişi talab etilişi haqidagi xabarlar Germaniya va AQŞ mudofaa vazirlari tomonidan rad etildi. Boris Pistorius bunday şart haqida bexabar ekanini aytdi, AQŞ mudofaa vaziri Lloyd Ostin esa juma kuni «Ramştayn» sammitidan keyin tanklar yetkazib beriş masalasidagi muammo hal bölişiga işonçi komil ekanini bildirdi.

Bu borada debatlar butun Yevropa böylab va Germaniyaning özida ham ötkazilmoqda. Muxolifatdagi Germaniya Xristian-demokratik ittifoqi yetakçilaridan biri Yohann Vaderful Olaf Şols hukumatining «rad etiş» siyosatini tanqid qildi. «Şols nimani kutmoqda?» - deya savol qöygan u.

Polşa TIV rahbari Zbignev Rau ham Germaniya hukumatini qat’iyatsizlik uçun tanqid qilgan.

«Rossiya tajovuzini qaytariş uçun Ukrainani qurollantiriş qarorini qabul qiliş qiyin maşğulot emas. Ukrainlar qoni - haqiqiy. Bu Leopard’lar yetkazib berişdagi qat’iyatsizlik tölovi. Biz harakatga kirişişimiz kerak. Hoziroq», deya yozgan u.

Şanba kuni Germaniyaning kundalik naşri Spiegel nemis hukumatidagi manbasiga asoslangan holda mamlakat mudofaa vazirligi bir neça oy oldin öz ixtiyoridagi turli modellarga mansub barça Leopard’lari röyxatini tuzgani haqida xabar berdi.

Bu röyxatda Ukrainaga yetkazilişi mumkin bölgan tanklar ham qayd etilgan.

Naşr jurnalistlar qölga kiritgan hujjatga asoslanib, bundesver ixtiyorida turli modellarga mansub bölgan 212 dona xizmatga yaroqli Leopard tanklari borligini xabar qilgan. 2022 yil yozidagi holatga köra, yana yuzta atrofidagi tank ta’mirlaş jarayonida.

Spiegel ma’lumotlariga köra, Germaniya mudofaa vazirligi hozirda askarlarni tayyorlaşda qöllanadigan, manyovrlar çoğida şartli duşmanni aks ettiradigan Leopard-2A5 rusumli 19 dona tankni Ukrainaga yuboriş uçun mos keladi deb hisoblaydi.

Ammo Spiegel naşrida aniqlik kiritişlariça, gap faqat hozirda Germaniyada bölgan Leopard tanklari haqida bormoqda. Ular bilan birgalikda boşqa mamlakatlar, masalan, Polşa ixtiyoridagi Leopard’lar ham Ukrainaga jönatilişi mumkin. Berlin uşbu tanklarini Ukrainaga jönatişni ma’qullaş orqali köp vaqtdan buyon Kiyevga Leopard’larini yetkazib berişni istaşi va bunga tayyor ekanini aytib kelayotgan yevropalik hamkor davlatlar uçun rasman yaşil çiroq yoqadi.

Gazeta tahririyatiga röyxat kelib tuşişi ittifoqçilar orasida e’tiroz ortib borayotganiga qaramay, hozirça Ukrainaga tanklar yetkazib berişga rozilik bermay kelayotgan kansler Olaf Şolsga bosim omili sifatida talqin etilmoqda.

Buni avvalroq sobiq mudofaa vaziri Kristina Lambrext Leopard’larni inventarizatsiya qilişga qarşi bölgani haqida xabar bergan Business Insider manbasi ham tasdiqlaydi.

Naşr manbalari aytişiça, qator mojarolar va Germaniya qurolli kuçlari modernizatsiyasini uddalay olmagani tufayli öziga bildirilgan tanqidlar ortidan iste’fo bergan Lambrext tanklarni inventarizatsiya qilmaslikka buyruq bergan, çunki bu jarayon Şolsga ortiqça bosim ötkazadi va Germaniya tanklarni Ukrainaga yetkazişga tayyorligi sifatida talqin qilinişi mumkin deb hisoblagan.