Tashqi ishlar vazirligida O‘zbekiston va Fridrix Ebert nomidagi jamg‘arma o‘rtasidagi hamkorlikni yanada rivojlantirish masalalari muhokama qilindi.
Foto: Dunyo AA
O‘zbekiston Tashqi ishlar vazirligida Fridrix Ebert nomidagi jamg‘armaning O‘zbekistondagi hududiy direktori etib tayinlangan Filipp Yan bilan uchrashuv bo‘lib o‘tdi, deb xabar bermoqda «Dunyo».
Muzokaralar chog‘ida O‘zbekiston-Germaniya munosabatlarini yanada rivojlantirish masalalari, 2023 yilda jamg‘arma bilan rejalashtirilgan qo‘shma tadbirlar jadvali muhokama qilindi.
Germaniya bilan turli sohalarda o‘zaro manfaatli aloqalarni mustahkamlash, jamg‘arma bilan hamkorlikni faollashtirish, jumladan, O‘zbekistonning iqtisodiy, siyosiy, ijtimoiy sohalardagi aloqalarini yanada rivojlantirishga qaratilgan qo‘shma tadbirlarni tashkil etish amaliyotini davom ettirish muhimligi ta’kidlandi.
