Jazeera Airways Al-Kuvayt va Samarqandni havo orqali bog‘laydi

Kuvaytning Jazeera Airways aviakompaniyasi Al-Kuvayt va Samarqandni to‘g‘ridan to‘g‘ri reyslar bilan bog‘lamoqda.

Foto: Jazeera Airways

Al-Kuvayt — Samarqand — Al-Kuvayt yo‘nalishi bo‘yicha muntazam parvozlar Airbus A320 samolyotlarida amalga oshirilishi rejalashtirilgan. Birinchi reys 2023 yilning 15 fevraliga mo‘ljallangan.

Muntazam yo‘lovchi qatnovlari haftasiga ikki marta — chorshanba va yakshanba kunlari amalga oshiriladi.

Jazeera Airways O‘zbekistonga parvozlarni 2021 yilda boshlagan. Al-Kuvaytdan Toshkentga muntazam yo‘lovchi qatnovlari haftasiga uch marta — dushanba, seshanba va shanba kunlari, Namanganga — dushanba, chorshanba va juma kunlari amalga oshiriladi.

Jazeera Airways Kuvaytning ikkinchi milliy aviakompaniyasi bo‘lib, qarorgohi xalqaro aeroportda joylashgan va arzon narxlardagi havo sayohatlariga ixtisoslashgan.