Zarbalar ostidagi shahar va qamaldagi baxmutliklar hayoti. Urush suratlari

Ukrainada urushning 344-kuni o‘tdi. Asosiy ma’lumotlar:

1 fevral kuni Kramatorsk shahri o‘qqa tutilishi oqibatida halok bo‘lganlar soni besh nafarga yetdi. Rossiya qo‘shini 2 fevral kuni ham ushbu shaharga zarba yo‘lladi, tinch aholi vakillaridan besh kishi jabrlangan.
Yevroparlament Ukrainaning Yevroittifoqqa qo‘shilishi bo‘yicha rezolyutsiyani qabul qildi. Shuningdek, YeI kengashi Ukrainaga yana 545 million yevro miqdoridagi yordam va 2,4 mingta generator ajratadi.
Rossiyaning Bryansk oblasti gubernatori Aleksandr Bogomazning xabar qilishicha, havo hujumidan mudofaa tizimlari oblast hududida to‘rtta raketani urib tushirgan. Jabrlanganlar va vayrongarchiliklar yo‘q.
AQSh keyingi to‘qqiz oy ichida Ukrainaga 150 km masofaga harakatlanuvchi va nishonga yuqori aniqlikda boruvchi GLSDB raketalarini yuboradi.
AQSh va G‘arbning boshqa mamlakatlari rasmiy shaxslari Ukrainada halok bo‘lgan va yaralanib safdan chiqqan rossiyalik harbiy xizmatchilar soni 200 ming kishiga yaqinlashdi deb hisoblamoqda. The New York Times gazetasi ma’lumotiga ko‘ra, Rossiya eng yo‘qotishlarga Baxmut uchun janglar vaqtida uchragan, bu hududda yarim yildan buyon shiddatli to‘qnashuvlar davom etmoqda. Rossiya o‘z yo‘qotishlari to‘g‘risidagi ma’lumotlarni ochiqlamaydi.

Kun kadri. Kramatorskdagi turar joylarga zarba oqibatlari