Qoʻshimcha funksionallar
-
Tungi ko‘rinish
Xabarlar tarjimasi, adminlarga yangi huquqlar va yangi emojilar - Telegram'da 2023 yildagi ilk yangilanishlar
3 fevral kuni Telegram messenjeri 11 ta asosiy funksiyadan iborat 2023 yildagi ilk yangilanishlarni taqdim qildi. Kun.uz ularning eng muhimlarini sanab o‘tadi.

Foto: Telegram
Asosiy yangiliklardan biri – chatlardagi xabarlarni tarjima qilish funksiyasi paydo bo‘ldi. Endilikda Premium foydalanuvchilar (pulli obuna egalari) yuqoridagi Tarjima paneli yordamida butun chatlar, guruhlar va kanallarni tarjima qilishi mumkin. Parametrlar menyusida panelni bekitish va qaysi tillar tarjima qilinishini boshqarish imkoni bor.
Qolgan barcha foydalanuvchilar esa alohida xabarlarni tanlash va «Tarjima qilish» tugmasini bosish orqali tarjima qilishi mumkin bo‘ladi.
Shuningdek, foydalanuvchi Telegram'dagi kontaktlarni tahrirlashda ular uchun profil rasmlarini belgilash yoki taklif qilishi mumkin.
Tarmoqdan foydalanish ko‘rsatkichlari
Wi-Fi va mobil internet uchun batafsil doiraviy diagrammalar bilan Telegram uchun qancha trafik ishlatganini ko‘rish mumkin. Shuningdek, trafik rejaga mos kelishi uchun avtomatik yuklab olish sozlamalarini o‘zgartirish mumkin.
Kiruvchi mediani avtomatik saqlash
Endilikda “Sozlamalar” menyusi orqali qurilma galereyasiga avtomatik ravishda saqlanadigan chat turlarini tanlash, shuningdek, saqlanadigan media fayllar hajmi va turini belgilash mumkin.
Bundan tashqari, faqat kerakli rasm va videolar saqlanishi uchun alohida chatlarga istisno qo‘shsa bo‘ladi.
Media yuborish ruxsatlari
Adminlarda yangi imkoniyatlar paydo bo‘ldi. Endi guruh a’zolariga rasmlar, videolar, ovozli yoki video xabarlar kabi 9 ta turli media turini yuborishga ruxsat berish yoki bermaslik huquqini adminlarga berish mumkin.
Faqat media yuboriladigan guruhlarni yaratish uchun matnli xabarlar yuborishni taqiqlash hamda faqat ovozli xabarlar yoki testlarni yuborishga ruxsat berilgan guruhlar yaratish mumkin.
Shuningdek, Telegram Premium'ning bir yillik obunasiga birdaniga to‘lov uchun 40% chegirma joriy qilingan.
Telegram rasmiy reliziga ko‘ra, Apple va Google ID bilan qayta hisobga kirish mumkin bo‘ladi. Bunda hisobidan chiqqan foydalanuvchilar Apple yoki Google ID yordamida SMS kodni kiritmasdan tezda qayta kiradi. Agar 2 bosqichli tekshiruv paroli yoqilgan bo‘lsa, parolni kiritish kerak bo‘ladi.
Shuningdek, bot dasturchilari foydalanuvchilarga oldindan belgilangan mezonlarga mos keladigan guruh, kanal yoki odamlarni tanlashga yordam beradigan maxsus tugmalarni qo‘shishi mumkin.
Qolgan o‘zgarishlar yangi maxsus va interaktiv emojilar, emoji turkumlari hamda emoji profil rasmlariga taalluqli.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Maldiv – Muslim friendly formatida dam olish uchun ideal tanlov
Jamiyat | 19:00 / 25.07.2025
-
Andijondagi fabrika oqova suvlari bilan kanalni ifloslantirdi
Jamiyat | 23:09 / 26.07.2025
-
iPhone va avtosug‘urtada yangi narxlar, Navoiyda qalin smog - hafta dayjesti
O‘zbekiston | 22:40 / 26.07.2025
-
Yaponiya ayollarning umr ko‘rish davomiyligi bo‘yicha navbatdagi rekordni o‘rnatdi
Jahon | 22:38 / 26.07.2025
Mavzuga oid

21:42 / 14.07.2025
Bank kartalardan 1 mlrd so‘mga yaqin pullarni o‘zlashtirgan jinoiy guruh qo‘lga olindi

19:42 / 12.07.2025
Durov muvaffaqiyatli kompaniya tashkil qilishning asosiy shartini aytdi

20:36 / 28.06.2025
Telegram bir nechta OSINT kanallarni blokladi

00:50 / 22.06.2025