O‘zbekiston va Gruziya qo‘shma ilmiy-texnik tadqiqotlar bo‘yicha kelishuvga erishdi

O‘zbekiston tashqi ishlar vaziri vazifasini bajaruvchi Baxtiyor Saidov Gruziya elchisi Zurab Abdushelishvili bilan uchrashuv o‘tkazdi.

Foto: TIV axborot xizmati

Joriy yili rejalashtirilgan tadbirlar, Savdo-iqtisodiy hamkorlik bo‘yicha hukumatlararo komissiyaning navbatdagi yig‘ilishi va O‘zbekiston-Gruziya vazirliklararo maslahatlashuvlari jadvali kelishib olindi.

Tomonlarning mintaqalararo hamkorlik ko‘lamlarini kengaytirishdan manfaatdorligi tasdiqlandi.

Madaniy-gumanitar almashuvlarni jadallashtirish maqsadida o‘zaro madaniyat va kino kunlarini o‘tkazish, qo‘shma ilmiy-texnik tadqiqotlarni tashkil etish yuzasidan kelishuvga erishildi.