“Hosilimiz suvsizlikdan qurib ketyapti” – denovlik dehqonlar
Surxondaryo viloyati Denov tumanining Lochin va Zarafshon mahallalarida ko‘plab dehqonlarning ekini suvsizlikdan nobud bo‘lmoqda. Quduq qazib berishni va’da qilgan mas’ullar esa va’dasining ustidan chiqmagan.

Foto: Kun.uz
Kun.uz’ga Denov tumanidagi Lochin va Zarafshon mahallalarida yashovchi dehqonlardan murojaat kelib tushdi. Murojaatda ular 2022 yilda prezident farmoniga muvofiq 10-20 sotixdan ekin yeri berilganini, o‘sha paytda mas’ullar ekinlarni sug‘orish uchun quduq qazib berishni va’da qilganini, ammo quduq qazilmagani sababli bugunga kelib mehnatlariga kuyib qolishayotganini bildirishgan.
“Prezident farmoniga binoan bizlarga yer berishganidan xursand bo‘ldik. Shijoat bilan ekin ekishga kirishdik. Faqat suvsiz mahsulot yetishtirib bo‘lmaydi-da, mas’ullar yordam berishga va’da berishdi. Ammo mana, ekinlar yetilay deb qoldi, lekin bizni hech kim eslamadi”, – deydi Kun.uz muxbiri bilan gaplashgan dehqonlardan biri.
Mazkur ikki mahallada 80 kishiga yer berilgan. Dehqonlar ekin yerlariga asosan piyoz ekishgan, kartoshka va bug‘doy ekkanlar ham bor. Qishda yomg‘ir-qordan suv olgan ekinlar bugunga kelib, suvsizlikdan nobud bo‘lish arafasida. Muammo tuman hokimining sayyor qabulida ko‘tarilgan, keyinchalik tuman hokimi o‘rinbosarlariga murojaat ham qilingan, biroq foydasi bo‘lmagan.
Eslatib o‘tamiz, 2021 yil kuzida prezident aholiga 80 ming gektar yerni ijara asosida bo‘lib berilishini ma’lum qilgandi va bu borada tegishli topshiriq bergan edi.
«Ushbu yerlar aholiga dehqon xo‘jaligi tashkil etish uchun, 10 sotixdan 1 gektargacha 10 yil muddatga, ochiq elektron tanlov o‘tkazish orqali ijaraga beriladi. Men 20 yil qilishga ham tayyorman, lekin avval ishonch hosil qilaylik. Bunda, asosiy mezon – tomorqadan samarali foydalanish va yaratiladigan ish o‘rinlari bo‘ladi. Tanlovda dehqonchilikda tajribasi bor aholi, shuningdek, 3ta daftarga kirgan oilalar qatnashadi. Ochiq elektron tanlovda har bir talabgorning hozirgacha o‘z tomorqasidan qanday foydalanayotganiga yangi joriy etilayotgan hokim yordamchilari baho beradi”, degan edi o‘shanda prezident.
Tavsiya etamiz
AQSh elchisi o‘zbekistonlik noqonuniy migrantlarga murojaat qildi
O‘zbekiston | 16:53 / 03.04.2025
AQShning yangi bojlari O‘zbekistonga qanday ta’sir qiladi?
Nuqtayi nazar | 14:23 / 03.04.2025
Xorazmda pulini ko‘paytirib berishni aytib, mingdan ortiq odamni chuv tushirgan shaxs ushlandi
Jamiyat | 20:24 / 02.04.2025
Bitta mashinada nuqson topilsa, brendning hamma modellarini yoppasiga taqiqlash to‘g‘rimi?
O‘zbekiston | 20:13 / 02.04.2025
So‘nggi yangiliklar
-
Avstriya chorva mollari orasida tarqalgan infeksiya sabab chegaralarini yopadi
Jahon | 01:33
-
The Economist: Alyaskadagi orol aholisi Rossiya bosib olishidan xavotirlanib, rus tilini o‘rganmoqda
Jahon | 00:50
-
Tramp TikTokʼning AQShdagi faoliyatini yana 75 kunga uzaytirishini ma’lum qildi
Fan-texnika | 23:52 / 04.04.2025
-
Toshkent tumanida bir-biriga tutash ikki binoda yong‘in chiqdi
Jamiyat | 23:07 / 04.04.2025
Mavzuga oid

17:02 / 02.04.2025
Yetakchi tadbirkorlar aholi tomorqasiga sifatli urug‘ va ko‘chat yetkazib beradi

17:04 / 14.03.2025
Chigit ekadigan payt keldi, ammo barcha hududlarda emas

17:50 / 21.01.2025
Surxondaryodagi maktablardan birida direktor o‘rinbosari o‘quvchi qizning nomusiga tegib kelgani ma’lum bo‘ldi

13:06 / 30.12.2024