«O‘zbekiston prezidenti maslahatchisi Suma Chakrabarti janoblari bilan samimiy va samarali uchrashuv o‘tkazdik», –deb yozdi O‘zbekiston TIV rahbari o‘zining Telegram-kanalida.
Qayd etilishicha, O‘zbekistonning kengayayotgan investitsiyaviy salohiyatini dunyo miqyosida yanada targ‘ib qilishga qaratilgan ijtimoiy-iqtisodiy islohotlarning keng ko‘lamli kun tartibi yuzasidan atroflicha fikr almashildi.
Suma Chakrabarti 2020 yil 1 oktyabrdan buyon O‘zbekiston prezidentining iqtisodiy taraqqiyot, samarali boshqaruv va xalqaro hamkorlik masalalari bo‘yicha maslahatchisi lavozimini egallab kelmoqda. U 2012 yil iyulidan 2020 yil iyuligacha Yevropa taraqqiyot va tiklanish banki prezidenti lavozimida ishlagan.
