Kambag‘allikni qisqartirish va bandlik vaziri Behzod Musayev hamda Kanadaning O‘zbekistondagi favqulodda va muxtor elchisi Alam Xemson o‘rtasida uchrashuv bo‘lib o‘tdi. Bu haqda vazirlik matbuot xizmati xabar berdi.
Qayd etilishicha, uchrashuvda Kanada bilan mehnat migratsiyasi sohasida hamkorlikni yo‘lga qo‘yish, o‘zbekistonlik fuqarolarni Kanada mehnat bozoriga jalb qilish mexanizmlarini ishlab chiqish bo‘yicha muzokaralar olib borilgan.
«Ikki davlatning xususiy rekruting kompaniyalari o‘rtasidagi aloqalarni o‘rnatish, fuqarolarni Kanadaga yuborish va viza olish bilan bog‘liq masalalar muhokama qilindi», deyiladi xabarda.
Eslatib o‘tamiz, 2021 yilda Kanada O‘zbekistonda viza markazi ochishni rejalashtirayotgani haqida xabarlar tarqalgan edi.
Mehnat migratsiyasini diversifikatsiya qilish bo‘yicha so‘nggi bir haftadagi boshqa yangiliklar:
Germaniya o‘zbekistonliklar uchun 50 ming bo‘sh ish o‘rni taklif qilmoqda
Janubiy Koreya o‘zbekistonliklar uchun 37 mingta bo‘sh ish o‘rni taklif qilmoqda
Polsha O‘zbekistonni mehnat bozoriga kirish osonlashtirilgan davlatlar ro‘yxatiga qo‘shishi mumkin
O‘zbekiston va Qatar o‘rtasida ishchilarni ishga qabul qilish bo‘yicha bitim tasdiqlandi
