“Çöllaştiriş avjida” - Buxoroda 1800 dan ortiq daraxt köçirilayotgani tanqidlarga sabab bölmoqda

“Muammo bartaraf etilmasa va “çöllaştiriş” işlari davom etsa, haqiqatan tabiatimiz juda abgor böp qolişi tayin. Lekin daraxtlarni köçirib ötqaziş va uni parvarişlab, xalqqa öşa turişida topşiriş masalasini körmayapmiz”, degan boşqa bir vatandoş.

Troll.uz kanali holatga “Çöllaştiriş avjida” deya baho bergan.

“Daraxtlarni nima sababdan kesişyapti, şunisiga tuşunmayman. Şu daraxtlar tufayli havo tozalanib turardi”, deydi boşqa bir tarmoq foydalanuvçisi.

Bundan taşqari, buxoroliklardan Kun.uz'ga ham norozilik murojaati kelgandi. Unda yöl böyidagi daraxtlarni joyida qoldiriş söralgan.

“Kesilgan daraxtlar yonidan ötayotganimizda yonimizda sayyohlar ham bor edi. Ular bu holdan şokka tuşişdi. Buxoroda özi daraxt deyarli yöq. Borini ham yöq qilişyapti. Bu yerda yaşovçilarning aytişiça, yöl qatnov qismini kengaytiriş maqsadida daraxtlar olib taşlanayotgan ekan. Iltimos, daraxtlarni yöq qilişmasin”, – deyiladi murojaatda.

Köçirişdan oldin jamoatçilik eşituvi bölganmi?

Kun.uz muxbiri şu savol bilan viloyat Ekologiya boşqarmasidan javob olişga urindi. Mas’ul jamoatçilik eşituvi 2023 yilning 28 oktyabrida ötkazilganini bildirdi. Eşituv qanday xulosa qilgani haqida ma’lumot yöq.

Kun.uz muxbiri 18 fevralda şov-şuv bölgan daraxtlarni köçirib ötqazayotgan “Qoraköl dizayn” MÇJ rahbari bilan boğlandi. Uning aytişiça, yöl qurayotgan Xitoy kompaniyasi “Qoraköl dizayn” MÇJ bilan 550 dona daraxtni köçirib ötkaziş böyiça şartnoma qilgan.

“Özim 10 yildan beri köçat ekiş va uni ötqazib beriş bilan şuğullanaman. Meni ham şu Xitoy kompaniyasi topdi va daraxtlarni köçirişga kelişdi”, – dedi u.

Şuningdek, u köçirilgan daraxtlarni parvariş qiliş, kökartirib berişga işonç bildirdi. “Agar birorta daraxt qurib qolsa, örniga 10 ta qurib beramiz. Köçirişni qoidalari asosida bajaryapmiz”, – dedi u.

2 yil oldin şov-şuv bölgan loyiha

Buxoro va Surxondaryoda trassalarni kengaytiriş uçun daraxtlar köçirilişi 2023 yilda ma’lum bölgandi. Bu tarmoqlarda köplab noroziliklarga sabab bölgan, öşanda Ekologiya vazirligi va ayrim deputatlar jamoatçilik bilan hamfikrligini bildirgan edi.

Xususan, Qonunçilik palatasi spikeri örinbosari Odil Tojiyev munosabat bilan çiqqandi. “Heç qanday yöl qurilişi tabiatga ziyon yetkaziş hisobiga bölmasligi kerak. Bu masalaga Parlament tomoşabin bölib turmaydi, albatta. Muhokama qilamiz va deputatlik sörovi yuboramiz”, – degandi deputat.

Ekologiya vazirligi esa daraxtlarni köçiriş böyiça sörovlarga rad javobini berganini bildirgandi.

Vazirlik axborotiga köra, Qaşqadaryoda “Ğuzor-Buxoro-Nukus-Beyneu” yölini ta’mirlaş uçun 31 371 ta daraxt va butani köçiriş, Surxondaryoda esa “Manğuzor-Jarqörğon-Bandixon-Oltinsoy-Denov” yölining bir qismi va “Darband-Boysun-Elbayon” yölining bir qismini ta’mirlaş uçun 21 803 ta daraxtni köçiriş közda tutilgan. Öşanda vazirlik bunga rozilik bermasligini bildirgan.

Eslatib ötamiz, yaşillikning kamayib borayotgani, havo sifatining yomonlaşayotganidan taşvişga tuşgan özbekistonliklar tarmoqlarda #DaraxtlarniAsraylik, #NafasOlolmayapman heşteglari bilan bu boradagi mulohazalarini bildirib keladi.