Prezident administratsiyasi rahbari Saida Mirziyoyevaning ma’lum qilishicha, Samarqand Kongress markazida o‘tgan konsertda dunyo sahnalarida tanilgan dirijyor va skripkachi, maestro Vladimir Spivakov hamda fransuz pianinochisi Elen Mersen ishtirok etdi.
Tadbir YuNeSKO milliy komissiyalarining 12-mintaqalararo yig‘ilishi doirasida tashkil etilib, mehmonlar va san’at ixlosmandlariga yuksak kayfiyat ulashdi.
Tomoshabinlar mahorat bilan ijro etilgan asarlardan zavq oldi, konsert yakunida ijrochilar uzoq olqishlar bilan kuzatib qo‘yildi. Tadbir xalqaro madaniy aloqalarni mustahkamlash, musiqiy san’at orqali do‘stlik va o‘zaro anglashuv ruhini targ‘ib etishga xizmat qildi.
