8 yanvar kuni Venesuela bir neça yuqori martabali muxolifatçilarni ozod qildi, deb xabar berdi Euronews. Karakas buni «tinçlikka intiliş» işorasi deb atadi, Amerika qöşinlari harbiy operatsiya çoğida prezident Nikolas Maduroni qölga olganidan bir hafta ötmay.
Şu kuni keçqurun AQŞ prezidenti Donald Tramp Fox News telekanaliga bergan intervyusida amaldagi prezident vazifasini bajaruvçi Delsi Rodriges hukumatini maqtadi va şunday dedi: «Ular ajoyib... Ular biz istagan hamma narsani berdi».
Venesuela milliy assambleyasi rahbari, prezident vazifasini bajaruvçining ukasi Xorxe Rodrigesning aytişiça, hukumat «köp sonli» odamlarni ozod qilişadi.
«Buni Venesuela hukumatining umuman olganda tinçlikka erişişga qaratilgan işorasi deb hisoblang», dedi Xorxe Rodriges.
AQŞ hukumati va Venesuela muxolifati uzoq vaqtdan beri qamoqdagi siyosatçilar, tanqidçilar va fuqarolik jamiyati a’zolarini, jumladan, çet el fuqarolarini ozod qilişni talab etib keladi.
Kimlar ozodlikka çiqdi?
Mahbuslar ozod etilişi e’lon qilingaç, ularning oila a’zolari butun mamlakat böylab qamoqxonalarga yugurdi.
Ozod qilinganlar orasida 2024 yilda tinçlik böyiça Nobel mukofoti sovrindori Mariya Korina Maçadoning prezidentlik kampaniyasida iştirok etgan muxolifat yetakçisi Byadjo Pileri ham bor edi.
Şuningdek, saylov organining sobiq vakili, 2024 yilgi prezidentlik sayloviga nomzod Enrike Markes ham ozodlikka çiqarildi.
Ijtimoiy tarmoqlarda jurnalistlar tomonidan e’lon qilingan videolarda Markes va Pilerining qamoqxona yaqinidagi köçalarda odamlar bilan quçoqlaşayotganini köriş mumkin.
Kunning ikkinçi yarmida, şuningdek, beş nafar Ispaniya fuqarosi, jumladan, taniqli venesuelalik-ispan advokati va huquq himoyaçisi Rosio San-Migel ozod qilindi.
Venesuela hukumati odatda keskinlik davrida muloqotga tayyorligini körsatiş uçun siyosiy mahbuslarni ozod qiladi. Biroq Karakas şu vaqtgaça siyosiy sabablarga köra mahbuslarni saqlamasligini ta’kidlab kelgan.
