Kartadan kartaga pul ötkazmalari nazorati va hantavirus bilan boğliq vaziyat – mahalliy dayjest

Toşkentdagi bankda fuqaroning 500 ming dollar mablaği talon-toroj qilindi

Toşkent şahrida tijorat banki xodimlari tomonidan fuqaroning 500 ming AQŞ dollari miqdoridagi omonat mablaği soxta hujjatlar asosida özlaştirib olingani aniqlandi.

Boş prokuratura huzuridagi Departamentning Uçtepa tumani bölimi tomonidan ötkazilgan tergovga qadar tekşiruvda tijorat bankining mas’ul şaxslari fuqaroga tegişli omonat mablağini qalbaki hujjatlar orqali qölga kiritgani ma’lum bölgan. Xabarda bank nomi keltirilmagan.

Tergov materiallariga köra, bank xodimlari mablağni özlaştiriş yöli bilan talon-toroj qilganlikda gumon qilinmoqda. Holat böyiça Jinoyat kodeksining 167-moddasi — özlaştiriş yoki rastrata yöli bilan talon-toroj qiliş hamda 228-moddasi — hujjatlarni qalbakilaştiriş va ulardan foydalaniş bilan jinoyat işi qözğatilgan.

Energetika vaziri gaz qazib oliş hajmining keskin qisqarib ketganiga izoh berdi

2026 yilning mart oyida Özbekistonda 2,7 mlrd kub metr gaz qazib olindi. Bu ötgan yilning şu davriga nisbatan 1,2 mlrd kub metr yoki 30,8 foizga kam. Energetika vaziri Jörabek Mirzamahmudov bu pasayiş «kutilgan holat» ekanini, hozir asosiy vazifa qazib olişni barqarorlaştiriş va hajmlarni uşlab turiş ekanini aytdi.

Vazir sözlariga köra, buning uçun «Özbekneftgaz» va boşqa hamkorlar bilan birgalikda burğilaş, yangi uskunalar sotib oliş, geologiya-qidiruv va yangi maydonlarni tayyorlaş işlari olib borilmoqda.

Jumladan, Ozarboyjonning SOCAR va Britaniyaning BP kompaniyalari bilan hamkorlik aynan Ustyurt mintaqasida yangi konlar va yangi maydonlarni oçişga qaratilgan.

AQŞ bilan mehnat migratsiyasi böyiça yangi kelişuvlarga erişildi

Migratsiya agentligi, Taşqi işlar vazirligi hamda Özbekistonning Qöşma Ştatlardagi elçixonasi mas’ullaridan iborat delegatsiya Nyu-York şahrida ötkazilgan Xalqaro migratsiyani körib çiqiş forumi doirasida Amerikaning qator ta’lim muassasalari, iş beruvçilari va yuridik taşkilotlari bilan mehnat migratsiyasi sohasida yangi hamkorlik yönalişlarini muhokama qildi.

Uçraşuvlar yakuniga köra tibbiyot, transport va qişloq xöjaligi sohalarida kadrlar tayyorlaş hamda işga joylaştiriş böyiça kelişuvlarga erişildi.

Jumladan, Logan universiteti bilan tibbiyot xodimlarini AQŞ mehnat bozori uçun maqsadli tayyorlaş, qöşma ta’lim dasturlarini yölga qöyiş va inson resurslarini rivojlantiriş böyiça hamkorlik şartnomasi imzolandi. Şuningdek, Missouri Trucking School vakillari bilan 160 soatlik maxsus dastur orqali yuk avtomobili haydovçilarini AQŞ standartlari asosida tayyorlaş va işga joylaştiriş mexanizmlari muhokama qilindi. Qişloq xöjaligi sohasida esa National Council of Agricultural Employers bilan mehnat forumlari taşkil etiş va mavsumiy iş dasturlarini kengaytiriş masalalari körib çiqildi. Bundan taşqari, Head Honchos bilan H-2A vizalarini rasmiylaştiriş, özbekistonlik qişloq xöjaligi xodimlarining salohiyatini AQŞda tarğib qiliş va 8–10 haftalik tayyorlov dasturlarini yölga qöyiş böyiça kelişuvlarga erişildi.