24-avgust kuni Table Briefings naşri Germaniyaning «Ittifoq-90/Yaşillar» partiyasidagi manbalariga tayanib xabar berişiça, Annalena Berbok BMT Boş assambleyasi raisi sifatidagi vakolati tugagaç, Kolumbiya universitetida öqituvçilik faoliyatini boşlaydi. Berbok hozir ham «Yaşillar» partiyasi aʼzosi hisoblanadi.
OAV maʼlumotlariga köra, u Kolumbiya universitetining Xalqaro va jamoatçilik bilan aloqalar maktabi - SIPAʼda taşkil etilgan Master of Public Administration in Global Leadership («Global yetakçilik sohasida davlat boşqaruvi magistri») dasturining hamrahbari böladi.
DPA agentligi qayd etişiça, bu amaliy faoliyatga yönaltirilgan professorlik lavozimi bölib, klassik ilmiy-tadqiqot kafedrasi hisoblanmaydi.
Berbokning Kolumbiya universiteti bilan hamkorligi uç yil davom etişi rejalaştirilgan. Şuningdek, u taklif etilgan lektor sifatida darslar ötişi va ommaviy maʼruzalar bilan çiqiş qilişi kutilmoqda.
Berbok Nyu-Yorkda qolişni istagan
Annalena Berbok BMT Boş assambleyasi raisi lavozimiga kirişganidan keyin Germaniyadan Nyu-Yorkka köçib ötgani unga maʼqul kelganini aytgan edi.
Uning sözlariga köra, Nyu-Yorkda inson şaharning xilma-xilligi içida «singib ketişi» mumkin. Berbok bu holat baʼzan unga katta yengillik berişini ham taʼkidlagan.
Berbok 2025-yil sentabridan beri BMT Boş assambleyasi raisi lavozimida işlab kelmoqda. Biroq uşbu lavozim doimiy emas - Boş assambleya raisi bir yillik muddatga saylanadi.
Nazariy jihatdan nomzodlar qayta saylanişi mumkin bölsa-da, BMTdagi içki tartiblar, xususan, nomzodlarni mintaqaviy rotatsiya asosida körsatiş amaliyoti bir şaxsning ketma-ket ikki muddat lavozimda qolişi uçun şaroit yaratmaydi.
Sentabr oyi boşida Berbokning vakolatlari Bangladeş vakili Xalilur Rahmonga ötadi. U ham Berbok singari avval öz mamlakati taşqi işlar vaziri lavozimida işlagan.
Berbok bu yölni tanlagan birinçi nemis siyosatçisi emas
Annalena Berbok Germaniya taşqi işlar vaziri lavozimidan keyin AQŞda akademik faoliyat bilan şuğullanadigan birinçi nemis siyosatçisi emas.
Undan avval Germaniyaning sobiq vitse-kansleri va taşqi işlar vaziri Yoşka Fişer ham şunday yölni tanlagan. Fişer 1998–2005-yillarda Germaniya taşqi işlar vaziri bölgan va Berbok singari «Yaşillar» partiyasi vakili edi.
