Bloger Olimjon Haydarov ishi yuzasidan tergov yakunlanib, ish sudga oshirildi
Tovlamachilikda gumonlanib qo‘lga olingan blogerga tergov davomida tuhmat va haqorat qilish ayblovlari ham qo‘yilgan.
![](https://storage.kun.uz/source/9/0eydTw-LbFuclyIkxheUJUFSTKA8T0PE.jpg)
10 oktabr kuni Farg‘ona viloyati huquq-tartibot idoralari bloger Olimjon Haydarovga nisbatan tergovni yakunlab, 13 oktabr kuni ishni Jinoyat ishlari bo‘yicha Farg‘ona tuman sudiga o‘tkazdi. Bu haqda Oliy sud matbuot kotibi Aziz Abidov Kun.uz'ga ma’lum qilgan.
Xususan, tergov organi bloger Olimjon Haydarovga nisbatan Jinoyat kodeksining 139-moddasi 2-qismi (ommaviy axborot vositalarida, telekommunikatsiya tarmoqlarida yoki Internet jahon axborot tarmog‘ida joylashtirish orqali tuhmat qilish), 139-moddasi 3-qismi “a” bandi (og‘ir yoki o‘ta og‘ir jinoyat sodir etishda ayblab tuhmat qilish), 140-moddasi 3-qismi “a” bandi (jabrlanuvchini o‘z xizmat yoki fuqarolik burchini bajarishi munosabati bilan bog‘liq holda haqorat qilish), 165-moddasi 2-qismi “a” “b” bandlari (takroran yoki xavfli retsidivist tomonidan, ko‘p miqdorda tovlamachilik qilish) bilan ayb e’lon qilgan.
Oliy sud matbuot xizmati sud muhokamasi sanasi keyinroq e’lon qilinishi ta’kidladi. Olimjon Haydarovning advokati Dilshod Jabborov blogerga qo‘yilgan ayblovlar o‘z tasdig‘ini topmagan, deb hisoblashini aytdi.
Farg‘onalik bloger va jamoatchilik faoli Olimjon Haydarov 29 iyul kuni tovlamachilikda gumonlanib qo‘lga olingan edi. Rasmiylar u Qo‘qondagi bozor haqida salbiy mazmundagi maqolani chiqarmaslik uchun pul talab qilganini ta’kidlagan. Qo‘lga olingan bloger Olimjon Haydarovga qamoqqa olish tarzidagi ehtiyot chorasi qo‘llangandi.
Mavzuga oid
![](https://storage.kun.uz/source/thumbnails/_medium/10/QsH2N2FsR2DNRa-PEaPonE2gz2tAdJNs_medium.jpg)
18:28 / 07.09.2024
Aziz Voitov va boshqalarga oid sudda jurnalistlarga foto va videoga olish taqiqlandi
![](https://storage.kun.uz/source/thumbnails/_medium/10/jEv4cSKhdk6D573r8gG6-MGP4EnGek2a_medium.jpg)
14:36 / 06.09.2024
Korrupsion ishlar bo‘yicha sud majlislari jonli efirga uzatilishi kerak. Farmon talabi bu safar bajariladimi?
![](https://storage.kun.uz/source/thumbnails/_medium/10/2xWCgh7sHi2h7e_YRX_BPnrzil1BpfiM_medium.jpg)
07:24 / 02.09.2024
Sud qarorisiz va uy egasiga kompensatsiya to‘lamasdan turib uy-joyni buzish taqiqlanadi
![](https://storage.kun.uz/source/thumbnails/_medium/10/0t_rBQwM0DTJ77O_a0H4RROnmmZMbJ3R_medium.jpg)
17:55 / 28.08.2024