Nestle хавфли токсин туфайли Қозоғистонда савдога чиққан болалар озуқасини қайтариб олади

Nestle Қозоғистон ҳудудида болалар озиқ-овқатининг чекланган партиясини қайтариб олишини эълон қилди. Гап тез эрийдиган қуруқ сут ва нордон сутли аралашмалар, шунингдек, шифобахш парҳез таомларнинг аминокислоталари асосидаги қуруқ аралашмаси ҳақида кетмоқда, деб ёзди Tengrinews.

Компания хабарига кўра, қарор эҳтиёт чораси сифатида қабул қилинган ва Nestle маҳсулотларини «глобал қайтариб олиш жараёнининг бир қисми» ҳисобланади. Бунга ташқи таъминотчи томонидан етказиб бериладиган арахидон кислотаси таркибидаги цереулид токсинининг эҳтимолий хавфи сабаб бўлган. Унинг организмга тушиши ўткир заҳарланишни келтириб чиқаради, асосий белгилари кўнгил айниши, қусиш ва қорин оғриғидир.

Қайтариб олиш жараёни тез эрийдиган қуруқ сутли ва нордон сутли аралашмалар, шунингдек, шифобахш парҳез таомларнинг аминокислоталари асосидаги қуруқ аралашмаларга тегишли:

- NAN 1 OPTIPRO – партия рақамлари: 51500346AA, 51740346AC, 51510346AA, 52180346AA, 51740346BA, 52200346BA;

- NAN 2 OPTIPRO – партия рақамлари: 51420017C5, 51670017C2, 52940017C2, 51680017A1, 5200167811, 5200167821, 5220767821, 5240167821, 5241167821, 5256167811;

- NAN нордон сутли – партия рақамлари: 51220017A2, 51230017A1;

- NAN лактозасиз - партия рақами: 51400346АА;

- ALFARE Amino - партия рақами 51050017Y2.

Nestle компаниясининг аниқлик киритишича, қайтариб олиш жараёни фақат чекланган миқдордаги партияларга тааллуқли бўлиб, компаниянинг Қозоғистон бозорида тақдим этилган бошқа болалар озиқ-овқат маҳсулотларига тааллуқли эмас.