Берлинда теракт содир этилган ярмарка фаолиятини қайта бошлайди

Фото: Twitter .com/@PolizeiBerlin_E

Берлин полицияси шаҳардаги насроний Мавлид байрами муносабати билан ташкил этилган савдо ярмаркасида тергов ишларини якунлади. Бу ерда содир этилган теракт оқибатида 12 киши ҳалок бўлган эди. Бу ҳақда, шаҳар ҳуқуқ-тартибот идораларининг Twitter саҳифасида эълон қилинган.

«Жиноят жойида тергов амалиётлари якунланди. Биз Брайтшайдплацни Берлин аҳолиси ихтиёрига топширамиз», — дейилади хабарда.

ITV News телеканали мухбири Жоанна Партрижнинг хабар қилишича, Мавлид ярмаркаси очилганидан сўнг, Берлин аҳолиси вакиллари ярмаркада бемалол ҳаракатланишган.

Шу билан бирга, у расман бугун, 22 декабрдан иш бошлайди.

Мазкур ҳудудда савдо қилаётганлар устига юк автомобилини бошқаришда гумон қилинаётган тунислик Анис Амри Италия қамоқхонасида 4 йил ўтириб чиққани ҳам аниқланган.