Италия кубогининг финал учрашуви бўлиб ўтди. Римдаги «Олимпико» стадионида бўлиб ўтган учрашувда «Ювентус» ва «Лацио» жамоалари куч синашди.
Учрашувнинг 12-дақиқасида ўнг қанот ҳимоячиси Дани Алвеш чап қанот ҳимоячиси Алекс Сандро томонидан етказиб берилган тўпни голга айлантирди. 24-дақиқада яна ўша Сандронинг узатмасидан сўнг Леонардо Бонуччи фарқни иккитага оширди. Биринчи бўлимнинг қолган дақиқалари ва иккинчи бўлимда бошқа гол киритилмади.
Натижада «Ювентус» кетма-кет 3-марта, умумий бўлиб 12-марта Италия кубогида зафар қучди. «Лацио» эса сўнгги уч йилда иккинчи марта финалга йўл олиб, икки марта ҳам «Ювентус»га имкониятни бой берди.
Италия кубоги. Финал
Ювентус – Лацио 2:0 (2:0)
Голлар: Дани Алвеш (12), Бонуччи (24).
Ювентус: Нето, Алекс Сандро, Бонуччи, Кьеллини, Дани Алвес, Маркизио, Ринкон, Барцальи, Манджукич, Игуаин, Дибала (Лемина, 78).
Лацио: Стракоша, Баштуш (Фелипе Андерсон, 53), де Врей (Луис Альберто, 69), Уоллес, Баста, Милинкович-Савич, Лулич, Пароло (Раду, 21), Биглия, Кейта, Иммобиле.
Огоҳлантириш: Дани Алвес (86).