Airbus президенти ишлаб чиқаришни Буюк Британиядан кўчириш билан таҳдид қилди

Airbus авиақурилиш концерни мамлакатнинг Евроиттифоқдан чиқиши муносабати билан юзага келган завод талаблари бажарилмаган тақдирда ишлаб чиқаришни Буюк Британиядан бошқа мамлакатга кўчириш билан таҳдид қилди. Бу ҳақида Airbus президенти ва бош директори Фабрис Брежьенинг баёнотига асосланиб, The Sunday Times хабар берди. 

"Биз Буюк Британияда қолишни хоҳлаймиз, бироқ бунинг учун бизнинг шартларимиз инобатга олиниши керак, - дея таъкидлади у. - Тасаввур қилинг, мен Британия фуқароси бўлмаганим учун ўз заводларимни кўздан кечира олмасам". 

Брежьенинг фикрича, Brexit бўйича якуний битим концерннинг турли мамлакатларда жойлашган фабрикалари ишчиларига Буюк Британия ҳудудига тўсиқларсиз кириш ва чиқиш имконини бериши керак. Бундан ташқари, шартнома Бирлашган Қиролликда ишлаб чиқарилувчи сертификатлар Европа авиацион хавфсизлик агентлиги билан мувофиқлаштирилишини кафолатлаши керак. 

Бош директорнинг сўзларига кўра, амалдаги лойиҳалар устида ишлаш Британияда давом этади, бироқ лайнерларнинг янги моделларини ишлаб чиқариш бошқа мамлакатларга кўчирилиши мумкин. Унинг фикрича, бу борада таклифлар кўп бўлади. 

Airbus'нинг Филтон ва Бротон (Буюк Британия)даги заводларида авиалайнерлар учун қанотлар ишлаб чиқарилади. Умумий ҳисобда корхоналарда 10 минг киши фаолият юритади. 

Таъкидлаш жоизки, Brexit'га доир музокаралар 19 июнда бошланади.