Иньеста «Реал»га қарши ўйинда иштирок этмайди
«Барселона» ярим ҳимоячиси Андрес Иньеста Каталония жамоасининг Испания суперкубоги доирасида «Реал»га қарши бўлиб ўтадиган жавоб учрашуви қайдномасига киритилмади.
Кўк-анорранглилар расмий сайтининг хабар беришича, 33 ёшли футболчи ўнг сони мушак жароҳати туфайли ўйинда қатнаша олмайди.
Беллашувни жароҳат туфайли Рафинья Алькантара ва Томас Вермален ҳам ўтказиб юборади. Бундан ташқари, Арда Турон, Марлон, Серхи Сампер, Мунир Ал-Ҳаддади ва Дуглас Перейра ҳам иштирок этмайди.
«Барселона»нинг ўйинда иштирок этиши мумкин бўлган футболчилари: тер Штеген, Силлессен, Семеду, Пике, Ракитич, Бускетс, Денис Суарес, Суарес, Месси, Маскерано, Деулофеу, Пако Алькасер, Хорди Альба, Динь, Серхи Роберто, Андре Гомеш, Алейкс Видаль, Юмтити, Аленья.
«Барселона» «Камп Ноу» стадионида кечган илк баҳсда «Реал»га 1:3 ҳисобида имкониятни бой берди, Иньеста эса 68-дақиқада алмаштирилганди.
Жавоб учрашуви Мадридда 17 август куни бўлиб ўтади, ўйиннинг бошланиш вақти – 2:00 (Тошкент вақти билан).
Мавзуга оид
13:56
Гвардиолада тўпурар ҳимоячилар, «Барса» рақибларга даҳшат солмоқда. Кун ўйинлари
12:18 / 20.10.2024
«Арсенал» кутилмаганда ютқазди, «Реал»га Мбаппенинг шедеври ва Модричнинг даҳоси ёрдам берди. Кун ўйинлари
17:00 / 19.10.2024
«Ливерпул», «Барса» ва «Юве» учун жиддий синов. Дам олиш кунларида тавсия этиладиган 4 учрашув
14:26 / 17.10.2024