Хитой тоза ва назорат қилинадиган интернет кенгликни барпо этиш истагида, деб баёнот берди ХХР КП МҚ бош котиби Си Цзиньпин. У Хитой коммунистик партиясининг 19-съездида қилган нутқида шу масалага ҳам тўхталди, дея хабар қилмоқда Синхуа агентлиги.
"Биз интернет кенгликдаги контентлар билан боғлиқ фаолиятимизни кучайтирамиз, тўлиқ назорат тизимини барпо этамиз, биз унинг тозалигини таъминлаймиз", — деган Хитой етакчиси.
Унинг қайд этишича, бу мақсадларни ҳаётга татбиқ этиш учун глобал тармоқда, айниқса сиёсий ғоялар ва қоидаларга доир хато маълумотлар пайдо бўлишига жиддий эътибор қаратиш керак.
