Трамп яна Green Card’ни танқид қилди

АҚШ президенти Дональд Трампнинг фикрича, АҚШда доимий яшаш мақомини берувчи грин-карта олиш ҳуқуқини берувчи визаларни ўйнаш дастури бўйича мамлакатга «энг яхши одамлар» келмаяпти.

«Агарда сиз лотерея тизими ҳамда бу лотерея бўйича мамлакатимизга келаётган кишиларга қарасангиз... шуни кўрасизки, давлатлар ўзларининг энг яхши, танланган фуқароларини бераётгани йўқ», - дея маълум қилди Трамп Fox News’га берган интервьюсида.

Аввалроқ Трамп Нью-Йорк терактидан кейин «грин карта»ни танқид қилгани хабар берилганди. «Биз «хизматларга яраша» иммиграция учун курашамиз, бундан кейин демократлар учун лотерея тизимлари йўқ. Биз энди ақллироқ бўлишимиз керак», - дея ёзганди АҚШ президенти.