Тожикистон ИИВ раҳбари Имомали Раҳмон ҳақида қўшиқ ёзиб берди

Фото: President.tj

Тожикистонлик хонандалар тўртлиги мамлакат президенти Имомали Раҳмонга бағишланган «Пешвои миллат» («Миллат етакчиси») қўшиғини ижро этди. Қўшиқда айнан президент туфайли барча фуқаролар тинч яшаётгани, айнан у фуқаролик урушига якун ясагани ҳақида куйланади.

Қўшиқдаги сўзлар шоир Ниҳоний қаламига мансуб, бу мамлакат ички ишлар вазири Рамазон Раҳимзода Ҳамронинг тахаллуси саналади.

Яқинда эса ички ишлар вазирининг бир нечта шеъри «Мустақиллик ҳақидаги шеърлар» танловида тақдим этилди. У олдинга фақат профессионал шоирларни ўтказиб юборган ҳолда учинчи ўринни эгаллади.