«Ўзбекистон бўйлаб саёҳат қил!» баннерлари республикамиз кўчаларида
Ўзбекистонда ички туризмни ривожлантиришга йўналтирилган "Ўзбекистон бўйлаб саёҳат қил!" дастурига старт берилди. Туризмни ривожлантириш давлат қўмитаси раиси Азиз Абдуҳакимов KUN.UZ'га шу ҳақида маълум қилди.
Қўмита раисининг сўзларига кўра, Ўзбекистоннинг ҳар бир шаҳрида ўртача ҳисобда 100 тадан "Ўзбекистон бўйлаб саёҳат қил!" дастурини тарғиб қилувчи баннерлар жойлаштирилади.
Масалан, Самарқандда - Хивага, Хивада - Самарқандга ёки Тошкентга, водийда - Қорақалпоғистонга ёки Бухорога саёҳат қилишга чорловчи баннерлар осилмоқда.
Баннерлар дизайни Туризмни ривожлантириш давлат қўмитаси томонидан ишлаб чиқилган.
Бундан аввал Ўзбекистоннинг Тошкент, Самарқанд, Бухоро каби йирик шаҳарлари ва вилоятлар марказларида Қозоғистонга саёҳат қилишга чорловчи баннерлар жойлаштирилиши ҳамда Қозоғистоннинг йирик шаҳарлари марказларида ҳам Ўзбекистонга саёҳат қилишга ундовчи баннерлар жойлаштирилаётганига доир хабар берилган эди.
Мавзуга оид
20:50 / 17.09.2024
Россиялик блогер Ўзбекистон поездидаги саёҳатни «ҳақиқий синов» деб таърифлади
17:32 / 30.08.2024
Таниқли актёр Ўзбекистоннинг Япониядаги туризм элчиси этиб тайинланди
19:57 / 28.08.2024
Тошкент дунёда такси нархи арзон бўлган шаҳарлар қаторига киритилди
17:50 / 15.08.2024