Россияда Ravon автомобиллари нархи сезиларли даражада ошди

Фото: Автостат

Россияда GM Uzbekistan’нинг барча автомобиллари нархи анча ошди, деб хабар бермоқда «Автостат».

Хусусан, Ravon Nexia седани барча комплектациясида 20 минг рубль (деярли 3 млн сўм)га қимматлашди. Энди у 499 000 – 599 000 рубль (тахминан 70 – 84 млн сўм)дан сотилмоқда.

Ravon R2 ҳэтчбеки нархи ҳам ошди, эндиликда унинг нарх диапазони 489 000 - 559 000 рубль (тахминан 69 - 78 млн сўм)ни ташкил этади.

Gentra седани унча қимматлашмади – барча комплектациясида 10 минг рубль (тахминан 1,5 млн сўм)га. Эндиликда унинг нархи 569 000 - 699 000 рубль (78 – 98 млн сўм) атрофида.

Ravon R4 седани ҳам комплектациясига қараб 10 – 30 минг рубль (тахминан 1,5 млн – 4 млн сўм)га қимматлашди.