Кремль: Россияда олигархлар йўқ

Россия президенти матбуот котиби Дмитрий Песковнинг маълум қилишича, Москва Россиядан бўлган тадбиркорларнинг АҚШдаги санкция рўйхатларига киритилиши бўйича расмий тасдиқлов олмади. Бу ҳақда РИА «Новости» хабар бермоқда.

«Сиз тилга олган барча янгиликлар ҳақиқатдан ҳам ОАВда кеча ва бугун кенг тарқалди, жумладан, биринчи навбатда англосаксон ОАВда. Бироқ бу борада биз қандайдир расмий тасдиқлов ёки расмий баёнотни кўрмадик. Сизлар биласизларки, вазият ҳақиқатдан ҳам оддий эмас, у жуда кескин ва шунинг учун, албатта, биз ОАВ хабарларига қараб иш кўра олмаймиз», - дея айтиб ўтган Песков.

Шунингдек, унинг қўшимча қилишича, Россияда олигархлар йўқдир.

«Россиялик олигархлар» иборасини қабул қилиб бўлмас деб ҳисоблаймиз. Россияда олигархлар бўлган вақт анча орқада қолган, Россияда олигархлар йўқ», - дея таъкидлаб ўтди Песков.

Эслатиб ўтамиз, аввалроқ АҚШда россиялик олигархлар сўроқ қилингани хабар берилганди.