Британия офшорларда активларини сақлаётган россияликлар номини очиқлашга тайёрланяпти
Буюк Британияда Кайман ороллари ва Британия Виргин оролларидаги ҳисоб рақамларида ўз пул маблағларини сақлаётган компаниялар бенефициарлари шахсини очиқлаш имконияти кўриб чиқилмоқда. Тегишли қонун лойиҳаси бўйича овоз бериш жараёни кейинги ҳафта бўлиб ўтади, деб ёзмоқда The Times.
Консерватив партия вакили Эндрю Митчеллнинг сўзларига кўра, Британия бош вазири Тереза Мэй бу ҳужжатни тайёрлашга рози бўлган. У «дунёнинг исталган қисмида Британия байроғи остида ифлос пуллар яширилмаётганига» ишонч ҳосил қилиш учун керак.
Қонун лойиҳасига кўра, Бирлашган Қироллик таркибига кирувчи ҳудудлар шаффофлик ислоҳотини 2020 йилга қадар амалга ошириши лозим.
Эслатиб ўтамиз, аввалроқ Британия бош вазири Тереза Мэй Украина президентига мамлакатдан россиялик 13 дипломат чиқариб юборилгани учун миннатдорлик билдириб, бу ҳаракат давлат раҳбарияти коллектив хавфсизлик манфаатларига содиқ эканидан дарак беришини айтганди.
Мавзуга оид
21:46 / 20.09.2024
Иккинчи тинчлик саммити урушга чек қўйиши керак — Зеленский
20:54 / 20.09.2024
Россиядаги энг кўп меҳнат муҳожирлари Ўзбекистон фуқаролари экани маълум қилинди
20:27 / 20.09.2024
Россия Ўзбекистонга ГЛОНАСС сигналидан фойдаланиш имконини бериши мумкин
15:10 / 20.09.2024