Америка разведкаси 2007 йилдаёқ Эрон ядро қуроли яратиш дастурини тўхтатгани ҳақидаги хулосага келган. Бу ҳақда АҚШ МРБ ва Миллий хавфсизлик агентлиги собиқ директори Майкл Хейден CNN телекомпаниясига берган интервьюсида айтиб ўтди.
"Биз 2007 йилдаёқ миллий разведка ҳисоботини тайёрлаганмиз, унда эронликлар ядро дастурининг қурол яратишга алоқадор бўлган қисмини тўхтатгани ҳақида сўз юритилган, - дея таъкидлаб ўтди у. – Ракета дастури давом этган, центрифуга ишлашдан тўхтамаган, бироқ улар ядро қуролини яратишни 2003 йилда тўхтатиб қўйишган".
"Биз бундай хулосага маълумот йўқлигидан эмас, балки бундай фаолият тасдиқланмагани асосида келдик", - дея аниқлик киритди у. Унинг қўшимча қилишича, Эрон маълум бир имкониятларни ўзи учун сақлаб қолиш мақсадида "қандайдир тадқиқотларни давом эттирган".
Унинг сўзларига кўра, Исроил томонидан олинган ва бош вазир Биньямин Нетаньяҳу сўз очган ҳужжатлар "биз билган ва ҳақиқатдан ҳам бор бўлган асосий сюжет ҳақида кўпроқ маълумотгадир".
Эслатиб ўтамиз, аввалроқ АҚШ Эрондаги ядро дастури бўйича Исроил ҳужжатлари ҳақиқий экани ҳақида маълум қилганди.
