Кубада йўловчи самолёти қулаши жойида омон қолганлар топилди

Фото: twitter.com/Granma_Digital

Кубада Boeing 737 йўловчи самолёти ҳалокатга учраган жойда 3 йўловчи тирик топилди. Улар оғир аҳволда шифохонага етказилганлар. Бу ҳақда Gramma нашри маълум қилди.

Самолёт 18 май куни Гаванадаги аэропортдан кўтарилиши биланоқ ҳалокатга учраган. У Ольгинга учаётган бўлиб, бортида 104 йўловчи ва экипаж аъзолари бўлган.

Маълум қилинишича, самолёт Cubana de Aviacion авиакомпаниясига тегишли.

Воқеа жойида қутқарувчилар ва ўт ўчирувчилар иш олиб боришмоқда. У ерга Куба раҳбари Мигель Диас-Канель ҳам йўл олган.