Тошкент шаҳрида Central Park очилади

Яқин орада Тошкент шаҳридаги Мирзо Улуғбек парки (собиқ Тельман парки)ўрнида Central Park очилиши кутилмоқда. Бу ҳақида паркнинг Facebook'даги саҳифасида маълум қилинди.

Манбада таъкидланишича, реконструкция давомида аҳолининг Facebook'даги саҳифасида қолдирган барча истак ва таклифлари инобатга олинган.

Аксарият 1934 йилда очилган паркнинг тарихи ва муҳити сақланиб қолиши истагини билдирган. Шу билан бирга, маълум қилинишича, паркнинг йиллар давомида яроқсиз аҳволга келган барча коммуникациялари, ирригацион тизимлари, электрификацияси, автосуғориш тизимлари тўлиқ янгиланган.

Хабарда паркнинг аниқ очилиш санаси унинг ижтимоий тармоқдаги саҳифаси орқали эълон қилиниши қайд этилган.