Италияда президентга импичмент муҳокама қилиниши мумкин

Италиядаги «Беш юлдуз ҳаракати» етакчиси Луижи Ди Майо парламентда мамлакат президенти Сержо Маттареллага импичмент эълон қилиш масаласини муҳокама этиш таклифи билан чиқди. Бу ҳақда РИА «Новости» хабар бермоқда. 

Ди Майо ўз таклифида конституциянинг 90-моддасига таянган, унда «республика президенти давлатга хиёнат ва конституциянинг бузилиши ҳолатларидан ташқари, давлат раҳбари лавозимида ўз хатти-ҳаракатлари учун масъулиятга эга эмас» дейилади.

Сиёсатчининг фикрича, шундан сўнг парламентга янги сайловларни ўтказиш лозим.