Украина ташқи ишлар вазири Павел Климкиннинг тахмин қилишича, Россия футбол бўйича 2018 йилги жаҳон чемпионати вақтида яхши ният белгиси сифатида маҳбусларни ўзаро алмашишга қарор қилиши мумкин.
«Бундай ҳолат эҳтимоли бор, бироқ бу яхши ният белгиси эмас, балки жаҳон чемпионати вақтида Россия имижини яхшилаш мақсадида қилиниши мумкин. Мусобақадан биз фойдаланишимиз лозим, аммо бундан кейин ҳам тегишли ишларни тўхтатиш керак эмас», - дея Климкиннинг сўзларини келтиради ФАН.
Эслатиб ўтамиз, аввалроқ АҚШ жаҳон чемпионати террорчилар учун яхши нишонга айланиши мумкин экани ҳақида баёнот берганди.
