Жорий йилда Fortune нашри талқинига кўра 40 ёшга тўлмаган энг нуфузли одамлар рўйхатидаги 1-ўринни Instagram асосчиларидан бири ва бошқарувчиси, 34 ёшли Кевин Систром ва Facebook асосчиси, 34 ёшли Марк Цукерберг бўлишдилар. Рейтингни тузувчилар Instagram’нинг 2018 йилда фойдаланувчилари сони 1 млрддан ошиб кетганини, Facebook эса онлайн-рекламадан миллиардлаб доллар ишлаб топаётганини таъкидлаб ўтишган.
Фото: Reuters
Фото: Reuters
Рўйхатда 2-ўринни Lyft транспорт компанияси бошқарувчилари Логан Грин ва Жон Зиммер эгаллаган. Fortune уларни охирги ўн йилликдаги энг муваффақиятли ёш тадбиркорлардан бирлари деб атаган. 3-ўринни Хитойнинг Meituan-Dianping интернет-компанияси ҳамасосчиси ва бош бошқарувчиси, 39 ёшли Ван Син эгаллаган.
Рейтингдан, шунингдек, Walmart, Dropbox, General Motors, Airbnb, Vimeo, Snap, Glossier, Grab вакиллари ўрин олишган. Рўйхатдан ўрин олган ягона сиёсатчи Янги Зеландия бош вазири Жасинда Ардерн бўлган.
Шунингдек, Telegram асосчиси Павел Дуров рейтингга илк бор киритилган ва 25-ўринни эгаллаган.
Ўтган йилги рейтингда 1-ўрин Франция президенти Эммануэль Макронга берилганди.
